Publish Date: Wed, 18 Nov 2020 (15:53 IST)
Updated Date: Thu, 19 Nov 2020 (13:35 IST)
മറ്റൊരു ബഡ്ജറ്റ് സ്മാർട്ട്ഫോണിനെ കൂടി അന്താരാഷ്ട്ര വിപണിയിൽ എത്തിച്ചിരിയ്ക്കുകയാണ് ചൈനീസ് സ്മാർട്ട്ഫോൺ നിർമ്മാതാക്കളായ വിവോ. Y12s എന്ന മോഡലിനെയാണ് ഹോങ്കോങ്ങിൽ വിവോ പുറത്തിറക്കിയിരിയ്ക്കുന്നത്. എന്നാൽ സ്മാർട്ട്ഫോൺ എപ്പോൾ ഇന്ത്യൻ വിപണിയിൽ പുറത്തിറക്കും എന്നത് വിവോ വ്യക്തമാക്കിയിട്ടില്ല. 3 ജിബി റാം 32 ജിബി സ്റ്റോറേജ് പതിപ്പിലാണ് സ്മാർട്ട്ഫോൺ വിപണിയിലെത്തിയിരിയ്ക്കുന്നത്.
6.51 ഇഞ്ച് ഐപിഎസ് എല്സിഡി ഡിസ്പ്ലേയാണ് ഫോണിൽ നൽകിയിരിയ്ക്കുന്നത്. 13 മെഗാപിക്സാൽ പ്രൈമറി സെൻസറും, 2 മെഗാപിക്സൽ സെക്കൻഡറി സെൻസറും അടങ്ങുന്ന ഡ്യുവൽ റിയർ ക്യാമറ ഫോണിൽ ഒരുക്കിയിരിയ്ക്കുന്നു. 8 മെഗാപിക്സലാണ് സെൽഹി ക്യാമറ. മീഡിയടെക് ഹീലിയോ പി35 പ്രൊസസറാണ് സ്മാർട്ട്ഫോനിന് കരുത്തുപകരുന്നത്. ആന്ഡ്രോയിഡ് 10 അടിസ്ഥാനമാക്കിയുള്ള ഫണ്ടച്ച് ഒഎസ് 11ലാണ് വിവോ Y12s പ്രവർത്തിയ്ക്കുക. 10W ഫാസ്റ്റ് ചാർജിങ് സംവിധാനമുള്ള 5,000 എംഎഎച്ച് ബാറ്ററിയാണ് സ്മാർട്ട്ഫോണിൽ നൽകിയിരിയ്ക്കുന്നത്.
