ദിലീപിന് സുരക്ഷയുമായി തണ്ടര്‍ഫോഴ്സ്

നടന്‍ ദിലീപിന് സ്വകാര്യ സുരക്ഷാസേന

കൊച്ചിയില്‍ യുവനടി ആക്രമിച്ച കേസില്‍ അറസ്റ്റിലായി ജാമ്യത്തിലിറങ്ങിയ നടന്‍ ദിലീപിന് സ്വകാര്യ സുരക്ഷാസേന. തണ്ടര്‍ഫോഴ്സ് എന്ന സ്വകാര്യ ഏജന്‍സിയാണ് ദിലീപിന് സുരക്ഷയൊരുക്കുന്നത്. സുരക്ഷയുടെ ഭാഗമായി മൂന്ന് ഉദ്യോഗസ്ഥര്‍ സ്ഥിരമായി താരത്തിനൊപ്പം ഉണ്ടാകും.

വിരമിച്ച മലയാളി പൊലീസ് ഉദ്യോഗസ്ഥനാണ് ദിലീപിന്റെ സുരക്ഷ ചുമതല. അതേസമയം ദിലീപിന്റെ സ്വകാര്യ സുരക്ഷാ ഉദ്യോഗസ്ഥരെ പറ്റി പൊലീസ് പരിശോധിക്കുന്നുണ്ട്.  ആലുവയിലെ ഒരു കടയില്‍ നിന്ന് വലിയൊരു നിലവിളക്കും വാങ്ങിയാണ് ഇവര്‍ ദിലീപിനെ കാണാന്‍ എത്തിയതെന്ന് പൊലീസ് കണ്ടെത്തിയിട്ടുണ്ട്.