ദിലീപ് ഈ വരുന്ന 13ന് വീണ്ടും ജാമ്യാപേക്ഷ സമര്‍പ്പിക്കും. അതുവരെ പൊലീസിന് പിടികൊടുക്കാതിരിക്കാനാണ് സുഹൃത്തും സംവിധായകനുമായ നാദിര്‍ഷയുടെ ശ്രമമെന്ന് മാധ്യമങ്ങള്‍ റിപ്പോര്‍ട്ട് ചെയ്തു.
നാദിര്‍ഷ ഇപ്പോള്‍ നെഞ്ചുവേദനയെ തുടര്‍ന്ന് സ്വകാര്യ ആശുപത്രിയില്‍ ചികിത്സയിലാണ്. ബുധനാഴ്ച ചോദ്യം ചെയ്യലിനായി ഹാജരാകാന്‍ നാദിര്‍ഷയ്ക്ക് പൊലീസ് നോട്ടീസ് നല്‍കിയിരുന്നു. എന്നാല്‍ അതിനുശേഷം നാദിര്‍ഷ ചികിത്സയ്ക്കായി ആശുപത്രിയില്‍ പ്രവേശിക്കുകയായിരുന്നു.
ആശുപത്രിയില്‍ നിന്ന് പുറത്തെത്തിയാലുടന്‍ നാദിര്‍ഷയെ ചോദ്യം ചെയ്യാനാണ് പൊലീസിന്‍റെ തീരുമാനം. മുമ്പ് നടത്തിയ ചോദ്യം ചെയ്യലില്‍ നാദിര്‍ഷ നല്‍കിയ മൊഴിയില്‍ പലതും നുണകളാണെന്ന് പൊലീസ് കണ്ടെത്തിയിട്ടുണ്ട്. അതിന്‍റെ അടിസ്ഥാനത്തിലാണ് വീണ്ടും ചോദ്യം ചെയ്യാനായി വിളിപ്പിച്ചിരിക്കുന്നത്.
നാദിര്‍ഷയെ വീണ്ടും ചോദ്യം ചെയ്യുമ്പോള്‍ കൂടുതല്‍ തെളിവുകള്‍ ലഭിച്ചാല്‍ അത് ദിലീപിന്‍റെ കുരുക്ക് കൂടുതല്‍ മുറുക്കുമെന്ന കാര്യത്തില്‍ സംശയമില്ല.