മലയാള സിനിമയെ തകർക്കാനല്ല തുല്യതക്ക് വേണ്ടിയാണ് സംസാരിച്ചത്: രമ്യ നമ്പീശൻ

വനിത കൂട്ടായ്മക്കെതിരായ ആരോപണങ്ങൾക്ക് മറുപടിയുമായി രമ്യ നമ്പീശൻ. മലയാള സിനിമയെ തകർക്കാനല്ല തുല്യതക്ക് വേണ്ടിയിട്ടാണ് താനും വനിത കൂട്ടായ്മയും സംസാരിച്ചതെന്ന് ർമ്യ നമ്പീശൻ പറഞ്ഞു. പ്രശ്നങ്ങൾ പരിഹരിക്കാനുള്ള ചർച്ച ഉടൻ ഉണ്ടാകുമെന്നും മോഹൻലാൽ പറഞ്ഞ കാര്യങ്ങൾക്കുള്ള മറുപടി വനിത കൂട്ടായ്മ നേരത്തെ വ്യക്തമാക്കിയിട്ടുണ്ടെന്നും രമ്യ പറഞ്ഞു. 

നടി അക്രമിക്കപ്പെട്ട കേസിൽ കുറ്റാരോപിതനായ നടൻ ദിലീപിനെ അമ്മയിലെ തിരിച്ചെടുത്തതിനെ തുടർന്നാണ് രമ്യ നമ്പീശനും അക്രമിക്കപ്പെട്ട നടിയുമുൾപ്പടെ നാലുപേർ അമ്മയിൽ നിന്നും രാജി വച്ചത്. ഇത് വലിയ വിവാദമായ സാഹചര്യത്തിലാണ് വനിതാ കൂട്ടായ്മയുമായി ചർച്ചക്ക് തയ്യാറാണെന്ന് അമ്മക്ക് നിലപാട് സ്വീകരിക്കേണ്ടി വന്നത്.