മരണാനന്തര ചടങ്ങിലൂടെ സമ്പർക്ക വ്യാപനം ഉണ്ടായ തവിഞ്ഞാലിൽ 42 പേർക്കുകൂടി കൊവിഡ്, വയനാട്ടിൽ ആശങ്ക

കൽപ്പറ്റ: മരണാനന്തര ചടങ്ങിലൂടെ സമ്പർക്ക വ്യാപനമുണ്ടായ തവിഞ്ഞാലിൽ അശങ്ക വർധിപ്പിച്ച് 42 പേർക്കുകൂടി കൊവിഡ്. കഴിഞ്ഞ ദിവസം 7 പേർക്ക് രോഗം സ്ഥിരീകരിച്ചതിന് പിന്നാലെ പ്രദേശത്തെ ആളുകളിൽ നടത്തിയ പരിശോധനയിലാണ് 42 പേർക്കുകൂടി രോഗബാധ സ്ഥിരീകരിച്ചത്. ഇതോടെ മൂന്ന് മെഡിക്കൽ സംഘം പ്രദേശത്ത് കൂടുതൽ പേരിൽ പരിശോധനകൾ നടത്തുകയാണ്.

അന്റിജൻ പരിശോധനയിലാണ് രോഗബധ കണ്ടെത്തിയത്. ഈ മാസം 19ന് നടന്ന മരണനതര ചടങ്ങിൽ പങ്കെടുത്ത 7 പേർക്ക് കൊവിഡ് സ്ഥിരീകരിയ്ക്കുകയും 40 ലധികം പേർ രോഗലക്ഷണങ്ങൾ പ്രകടിപ്പിയ്ക്കുകയും ചെയ്ത പശ്ചാത്തലത്തിലാണ് പ്രദേശത്ത് കൂടുതൽ പരിശോധനകൾ നടത്താൻ തീരുമാനിച്ചത്. കഴിഞ്ഞ ദിവസം രോഗം സ്ഥിരീകരിച്ചവരുമായി 300 ലധികം പേർ സമ്പർക്കത്തിൽ വന്നിട്ടുണ്ട് എന്നാണ് വിവരം ഇവരെ കണ്ടെത്തി പരിശോധന നടത്തിവരികയാണ്.