ആകാശ് തില്ലങ്കേരിയുടെ കാർ അപകടത്തിൽ പെട്ടു. കാറിടിച്ച് നാലു പേർക്ക് പരിക്ക്, ഒരാളുടെ നില ഗുരുതരം

ആകാശ് തില്ലങ്കേരി സഞ്ചരിച്ച കാറ് അപകടത്തിൽ പെട്ടു. ഇന്നലെ അർദ്ധരാത്രി കൂത്തുപറമ്പ് മെരുവമ്പായിയിലാണ് അപകടം ഉണ്ടായത്. കാർ നിയന്ത്രണം വിട്ട് റോഡരികിലെ സിമന്റ് കട്ടയിലിടിച്ച്  4 പേർക്ക് പരിക്ക് പറ്റി. തലയ്ക്ക് പരിക്കേറ്റ ഒരാളുടെ നില ​ഗുരുതരമാണ്. ആകാശടക്കം രണ്ടുപേരുടെ പരിക്ക് സാരമുള്ളതല്ല.

ശുബൈബ് വധക്കേസിൽ വിചാരണ നേരിടുന്ന ആകാശ് സ്വർണ്ണക്കടത്ത് ക്വട്ടേഷനിലും ആരോപണ വിധേയനാണ്. സംഭവത്തെ പറ്റി വിശദമായ പരിശോധന നടത്തിവരികയാണെന്ന് പോലീസ് അറിയിച്ചു.