അംഗണവാടിയില് വിതരണം ചെയ്ത അമൃതം പൊടിയില് ചത്ത പല്ലിയെന്നു പരാതി
പാലിയോട് ചെന്നക്കാട് വീട്ടില് അനു - ജിജിലാല് ദമ്പതികള് കഴിഞ്ഞ മാസമാണ് കുഞ്ഞിനായി പാലിയോട് വാര്ഡിലെ അംഗണവാടിയില് നിന്ന് അമൃതം പൊടി വാങ്ങിയത്
Publish Date: Sun, 15 Dec 2024 (08:30 IST)
Updated Date: Sun, 15 Dec 2024 (08:37 IST)
അംഗണവാടിയില് നിന്നും കുഞ്ഞുങ്ങള്ക്ക് വിതരണം ചെയ്ത അമൃതം പൊടിയില് ചത്ത പല്ലിയെ കണ്ടെത്തി. കുന്നത്തുകല് ഗ്രാമപഞ്ചായത്തിലെ അംഗണവാടിയില് നിന്ന് വിതരണം ചെയ്ത് അമൃതം പൊടിയിലാണ് ചത്ത പല്ലിയെ കണ്ടെത്തിയത്.
പാലിയോട് ചെന്നക്കാട് വീട്ടില് അനു - ജിജിലാല് ദമ്പതികള് കഴിഞ്ഞ മാസമാണ് കുഞ്ഞിനായി പാലിയോട് വാര്ഡിലെ അംഗണവാടിയില് നിന്ന് അമൃതം പൊടി വാങ്ങിയത്. എന്നാല് കഴിഞ്ഞ ദിവസം അമൃതം പൊടി പാക്കറ്റ് പൊട്ടിച്ച് ഉപയോഗിക്കാന് നോക്കിയപ്പോഴാണ് ചത്ത പല്ലിയെ കണ്ടെത്തിയത്.
ഈ ദമ്പതികള് കഴിഞ്ഞ അഞ്ചുമാസത്തോളമായി കുഞ്ഞിന് നല്കാന് ഈ അംഗണവാടിയില് നിന്നാണ് അമൃതം പൊടി വാങ്ങിക്കുന്നത്. സംഭവത്തില് അന്വേഷണം ആവശ്യപ്പെട്ട് പരാതി നല്കാനാണ് കുടുംബത്തിന്റെ തീരുമാനം.
