പാലക്കാട് കുഴല്‍‌മന്ദത്തെ ദുരഭിമാനക്കൊല കേരളത്തിലുണര്‍ത്തിയ നടുക്കത്തില്‍ നിന്ന് ഇതുവരെ ജനത മോചിതരായിട്ടില്ല. കൊല്ലപ്പെട്ട അനീഷിന്‍റെ ഭാര്യ ഹരിത പക്ഷേ തന്‍റെ വ്യക്തമായ നിലപാട് അറിയിക്കുന്നു - “അനീഷിന്‍റെ വീടാണ് എന്‍റെ വീട്. ഇവിടെ നിന്ന് ഒരു മടക്കമില്ല”.
ഭര്‍ത്താവിന്‍റെ വീട്ടില്‍ തന്നെ തുടരുക എന്നതാണ് ഹരിതയുടെ തീരുമാനം. താന്‍ എന്നും അനീഷിന്‍റെ ഭാര്യയാണെന്നും അനീഷിനെ വക വരുത്തിയവര്‍ക്ക് ശിക്ഷ ഉറപ്പാക്കുകയാണ് തന്‍റെ ലക്ഷ്യമെന്നും ഹരിത പറയുന്നു.
ഹരിതയുടെ അച്ഛനും അമ്മാവനും ചേര്‍ന്നാണ് അനീഷിനെ കൊലപ്പെടുത്തിയത്. ബി ബി എ പഠനം പൂര്‍ത്തിയാക്കി ജോലി സമ്പാദിച്ച് അനീഷിന്‍റെ കുടുംബത്തിന് താങ്ങാകുക എന്നതാണ് ഹരിത കൈക്കൊണ്ടിരിക്കുന്ന തീരുമാനം.
ഹരിത തങ്ങളുടെ മകളാണെന്നും അവളെ നന്നായി പോറ്റുമെന്നും അനീഷിന്‍റെ അച്ഛനും അമ്മയും വ്യക്തമാക്കുന്നു.
