തന്നേയും ഇസ്ലാം മതത്തിലേക്ക് മാറ്റാൻ മകള്‍ ശ്രമം നടത്തിയിരുന്നതായി ഹാദിയയുടെ അമ്മ പൊന്നമ്മ പറയുന്നു. ബഹുദൈവ വിശ്വാസി ആയത് കൊണ്ട് നരകത്തില്‍ പോകുമെന്ന് ഹാദിയ പറഞ്ഞുവെന്ന് പൊന്നമ്മ ഇന്ത്യൻ എക്സ്പ്രസിനു നൽകിയ അഭിമുഖത്തിൽ പറയുന്നു.
സമ്പന്നയാവാനുള്ള വഴി മുസ്ലീം ആവുക എന്നതാണെന്ന് ഹാദിയയെ അവർ പറഞ്ഞ് വിശ്വസിപ്പിച്ചിരിക്കുകയാണ്. രണ്ട് വർഷമായി പൊന്നമ്മ ഉറങ്ങിയിട്ടില്ല. മകളെ തിരിച്ചു കിട്ടാൻ വേണ്ടി ദൈവങ്ങളോട് കേണപേക്ഷിക്കുകയാണ് ഈ അമ്മ. ഹാദിയയുടെ പിതാവ് അശോകന്റെ സ്ഥിതിയും മറിച്ചല്ല.
കമ്മ്യൂണിസ്റ്റ്കാരനായ അശോകൻ നിരീശ്വരവാദിയാണ്. പ്രതിസന്ധി ഘട്ടത്തില്‍ ദൈവത്തെ തേടി പോകാറില്ലെന്ന് അശോകൻ പറയുന്നു. 'താന്‍ ചിലപ്പോള്‍ മദ്യത്തിലും സിഗരറ്റിലുമൊക്കെ ആശ്വാസം കണ്ടെത്തും. പക്ഷേ തന്റെ ഭാര്യ പൊന്നമ്മ എന്ത് ചെയ്യുമെന്ന്' ചോദിക്കുന്നു അശോകന്‍.
നേരത്തേ ഒരു തീവ്രവാദിയെക്കൊണ്ട് എന്റെ മകളെ കെട്ടിച്ചില്ലേയെന്ന് പൊന്നമ്മ മാധ്യമ പ്രവർത്ക്കരോട് ചോദിച്ചിരുന്നു. തങ്ങളുടെ പരിചയത്തില്‍ ആര്‍ക്കും മുസ്ലിം സമുദായവുമായി ബന്ധമില്ല. ഇത്തരം ഒരു ചതി പറ്റുമെന്ന് കരുതിയില്ല. മകളുടെ ഇപ്പോഴത്തെ മാനസിക അവസ്ഥ ശരിയല്ലെന്നും ഹാദിയയുടെ മാതാവ് പ്രതികരിച്ചു. ഷെഫിന്‍ ജഹാന് ഹാദിയയെ കാണാനാകില്ല. ഷെഫിന്‍ ഭര്‍ത്താവാണെന്നത് സുപ്രീംകോടതി അംഗീകരിച്ചിട്ടില്ല. - അശോകൻ പറഞ്ഞു.