വീണ്ടും നാണക്കേട്; നെഹ്റു കുടുംബത്തിന് പരിഹാസം, പോസ്‌റ്റുകളുമായി ലസിത പാലയ്‌ക്കല്‍ - കെപിസിസിയുടെ ഫേസ്‌ബുക്ക് പേജ് സംഘപരിവാറിന്റെ കൈയില്‍ ?
വീണ്ടും നാണക്കേട്; നെഹ്റു കുടുംബത്തിന് പരിഹാസം, പോസ്‌റ്റുകളുമായി ലസിത പാലയ്‌ക്കല്‍ - കെപിസിസിയുടെ ഫേസ്‌ബുക്ക് പേജ് സംഘപരിവാറിന്റെ കൈയില്‍ ?
രാജ്യസഭാ സീറ്റ് വിവാദം പാര്‍ട്ടിയെ നാണംകെടുത്തിയതിന് പിന്നാലെ കെപിസിസി ഫേസ്‌ബുക്ക് പേജ് സംഘപരിവാർ അനുകൂലികൾ കൈയ്യടക്കിയതായി ആരോപണം.
16,000ത്തോളം അംഗങ്ങളുള്ള ഫേസ്‌ബുക്ക് ഗ്രൂപ്പിൽ ഇപ്പോള്‍ കോൺഗ്രസിനെതിരായ പോസ്റ്റുകൾ പ്രചരിക്കുകയാണ്. ബിജെപിക്ക് അനുകൂലമായ പോസ്റ്റുകളും ഗ്രൂപ്പിലുണ്ട്. വിവാദങ്ങളുടെ പേരില്‍ പ്രശസ്‌തയായ യുവമോർച്ചാ നേതാവ് ലസിതാ പാലയ്‌ക്കല്‍ അടക്കമുള്ളവരാണ് ഗ്രൂപ്പില്‍ സജീവമായിരിക്കുന്നത്.
നെഹ്റു കുടുംബത്തെ മുഴുവൻ പരിഹസിച്ചുകൊണ്ടുള്ള പോസ്‌റ്റുകള്‍ ഗ്രൂപ്പില്‍ നിരവധിയുണ്ട്. കെ മുരളീധരൻ അടക്കമുള്ള കോൺഗ്രസ് നേതാക്കൾ അഡ്മിൻമാരായ പേജാണ് ബിജെപിയുടെ സൈബർ സംഘം പിടിച്ചെടുത്തത്.
അതേസമയം, കെപിസിസിയുടെ ഔദ്യോഗിക പേജല്ല ഇതെന്നാണ് കോൺഗ്രസ് നേതൃത്വം നൽകുന്ന വിശദീകരണം. ഇന്ത്യൻ നാഷണൽ കോൺഗ്രസ് - കേരള എന്നതാണ് കെപിസിസിയുടെ ഔദ്യോഗിക പേജെന്നും വിശദീകരണമുണ്ട്. എന്നാൽ ഇക്കാര്യത്തിൽ ഔദ്യോഗിക വിശദീകരണം നൽകാൻ കോൺഗ്രസ് നേതൃത്വം ഇതുവരെ തയ്യാറായിട്ടില്ല.
