യു ഡി എഫിന്റെ ശക്തികേന്ദ്രത്തിൽ ആദ്യ റൌണ്ടിൽ കുതിച്ച് സജി ചെറിയാൻ
ആദ്യ ലീഡ് സജി ചെറിയാൻ, ഞെട്ടലിൽ യു‌ഡി‌എഫ്
ചെങ്ങന്നൂർ ഉപതെരഞ്ഞെടുപ്പിന്റെ വോട്ടെണ്ണലിൽ 144 വോട്ടുമായി എൽ ഡി എഫ് സ്ഥാനാർത്ഥി മുന്നിൽ നിൽക്കുന്നു. 8 മണിക്ക് ആരംഭിച്ച വോട്ടെണ്ണലിൽ എൽ ഡി എഫിന്റെ സ്ഥാനാർത്ഥി ക്രത്യമായ ലീഡ് നിലനിർത്തുന്നുണ്ട്.
യു ഡി എഫിന്റെ ശക്തികേന്ദ്രമായ മണ്ഡലത്തിൽ എൽ ഡി എഫ് ആദ്യ ലീഡ് ഉയർത്തിയത് യു ഡി എഫിന് ക്ഷീണമായിരിക്കുകയാണെന്ന് വ്യക്തം. മാന്നാർ പഞ്ചായത്തിലെ വോട്ടുകളാണ് എണ്ണുന്നത്. പതിമൂന്ന് റൗണ്ടുകളിൽ വോട്ടെണ്ണൽ പൂർത്തിയാകും. ചെങ്ങന്നൂരിന്റെ നായകൻ ആരാണെന്ന് പത്തരയോടെ അറിയാനാകും. 12 മണിയോടെ പൂർണ്ണ ഫലവും ലഭ്യമാകും.
മികച്ച ഭൂരിപക്ഷത്തില്‍ വിജയിക്കുമെന്ന ആത്മവിശ്വാസത്തിലാണ് മുന്നണി സ്ഥാനാര്‍ഥികളായ ഡി. വിജയകുമാറും സജി ചെറിയാനും പി.എസ്. ശ്രീധരന്‍പിള്ളയും.
പതിനാല് മേശകളിലായാണ് വോട്ടെണ്ണൽ ക്രമീകരിച്ചിരിക്കുന്നത്. 42 ഉദ്യോഗസ്ഥരാണ് ഒരേസമയം വോട്ടെണ്ണലിൽ ഉണ്ടായിരിക്കുക. പോസ്‌റ്റൽ ബാലറ്റ് എണ്ണാൻ പ്രത്യേക മേശ സജ്ജീകരിക്കും. രാവിലെ ആറിന് തന്നെ ഉദ്യോഗസ്ഥർ വോട്ടെണ്ണൽ കേന്ദ്രങ്ങളിലെത്തി ക്രമീകരണങ്ങൾ ആരംഭിച്ചിരുന്നു.
