സംസ്ഥാനത്ത് കൊവിഡ് വ്യാപനം രൂക്ഷമായ സാഹചര്യത്തിൽ സ്ഥിതിഗതികൾ വിലയിരുത്തി കൂടുതൽ നിയന്ത്രണങ്ങൾ നടപ്പിലാക്കിയേക്കും. ഇന്ന് ചേരുന്ന മന്ത്രിസഭായോഗത്തിൽ യുഎസിൽ ചികിത്സയിലുള്ള മുഖ്യമന്ത്രി പിണറായി വിജയൻ പങ്കെടുക്കും. രാവിലെ 9:30ന് ഓൺലൈനായാണ് യോഗം.
കോളേജുകൾ അടയ്ക്കുന്നത് സംബന്ധിച്ച് നാളെ ചേരുന്ന കൊവിഡ് അവലോനയോഗത്തിൽ തീരുമാനമുണ്ടാകും. വിനോദ സഞ്ചാര കേന്ദ്രങ്ങളിലും സർക്കാർ ഓഫീസുകളിലും നിയന്ത്രണങ്ങളുണ്ടാകും. നാളെ വൈകീട്ടാണ് കൊവിഡ് അവലോകനയോഗം.
