Publish Date: Sat, 26 Aug 2023 (12:19 IST)
Updated Date: Sat, 26 Aug 2023 (12:24 IST)
സിഎംആര്എല്ലില് നിന്നു മുഖ്യമന്ത്രിയുടെ മകളും മറ്റു രാഷ്ട്രീയ നേതാക്കളും മാസപ്പടി വാങ്ങിയെന്ന ആരോപണത്തില് അന്വേഷണം ആവശ്യപ്പെട്ടു സമര്പ്പിച്ച ഹര്ജി കോടതി തള്ളി. ആരോപണവുമായി ബന്ധപ്പെട്ട വസ്തുതകള് ഹാജരാക്കാന് ഹര്ജിക്കാരനായ ഗിരീഷ് ബാബുവിന് കഴിഞ്ഞിട്ടില്ലെന്ന് ചൂണ്ടിക്കാട്ടിയാണ് മൂവാറ്റുപുഴ വിജിലന്സ് കോടതി ഹര്ജി തള്ളിയത്.
മുഖ്യമന്ത്രി പിണറായി വിജയന്, മകള് വീണാ വിജയന്, കോണ്ഗ്രസ് നേതാവ് രമേശ് ചെന്നിത്തല, മുസ്ലിം ലീഗ് നേതാവ് പി.കെ.കുഞ്ഞാലിക്കുട്ടി തുടങ്ങിയവര്ക്കെതിരെ അന്വേഷണം ആവശ്യപ്പെട്ടായിരുന്നു ഹര്ജി. നേരത്തെ ഹര്ജി മതിയായ രേഖകളില്ലെന്നു ചൂണ്ടിക്കാട്ടി കോടതി മടക്കി നല്കിയിരുന്നു. വീണ്ടും സമര്പ്പിച്ച ഹര്ജിയാണ് തെളിവില്ലെന്ന് വ്യക്തമാക്കി കോടതി തള്ളിയത്.
