തിരുവനന്തപുരം: കോവിഡ് മാനദണ്ഡങ്ങൾ ലംഘിച്ചവർക്കുള്ള പിഴ ഇനത്തിൽ കഴിഞ്ഞ ഒരു വർഷത്തിനുള്ളിൽ പോലീസ് പിരിച്ചെടുത്തതുക 86 കോടി രൂപയാണ്. ഇതിൽ കഴിഞ്ഞ അഞ്ചു മാസം കൊണ്ട് പിരിച്ചത് 49 കോടി രൂപയും. വിവരാവകാശ നിയമ പ്രകാരം ലഭിച്ച ചോദ്യത്തിന് ഉത്തരമായി നൽകിയതാണ് ഈ വിവരം.
കഴിഞ്ഞ 2020 ജൂലൈ പതിനാറു മുതലാണ് പോലീസ് ഈടാക്കിയ പിഴയുടെ കണക്കുകൾ പോലീസ് ആസ്ഥാനത്തു ശേഖരിച്ചു തുടങ്ങിയത്. കഴിഞ്ഞ സാമ്പത്തിക വർഷം ഈയിനത്തിൽ 37.9 കോടി രൂപ ഈടാക്കി.
