കാസർകോട് ജില്ലയിലെ ടൗണുകളിൽ പ്രവേശിക്കാൻ കോവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കി. ജില്ലാ ഭരണകൂടമാണ് ടൗണുകളിൽ ആളുകൾ പ്രവേശിക്കുന്നതിന് ഈ രീതിയിൽ നിയന്ത്രണമേർപ്പെടുത്തിയത്.
നീലേശ്വരം, കാസർകോട്, കാഞ്ഞങ്ങാട്, കുമ്പള, ഉപ്പള, ചെറുവത്തൂർ ടൗണുകളിൽ പ്രവേശിക്കുന്നതിന് കോവിഡ് നെഗറ്റീവ് സർട്ടിഫിക്കറ്റോ രണ്ടുതവണ കോവിഡ് വാക്‌സിൻ സ്വീകരിച്ചതിൻറെ രേഖകളോ ഉണ്ടായിരിക്കണം. ശനിയാഴ്‌ച മുതൽ ഇക്കാര്യത്തിനായി പോലീസ് പരിശോധന കർശനമാക്കിയിട്ടുണ്ട്.
വ്യാപാര കേന്ദ്രങ്ങളിൽ ആളുകൾ കൂടാതിരിക്കാനായാണ് ഈ നിയന്ത്രണം. മതിയായ രേഖകളില്ലാതെ ടൗണിലെത്തിന്നവരെ മടക്കിയയയ്ക്കും.
