കാലുവെട്ടുമെന്ന് ഭീഷണിപ്പെടുത്തി: ദീപുവിന്റെ കൊലയ്ക്ക് പിന്നിൽ പിവി ശ്രീനിജൻ എംഎൽഎയെന്ന് ട്വെന്റി ട്വെന്റി

ദീപുവിന്റെ മരണത്തിൽ സ്ഥലം എംഎൽഎ‌യായ പിവി ശ്രീനിജന് പങ്കുണ്ടെന്ന ആരോപണവുമായി ട്വെന്റി20. ദീപുവിന് മർദ്ദനമേൽക്കുമ്പോൾ ശ്രിനിജൻ എംഎൽഎ തൊട്ടടുത്തുള്ള സിപിഎം പ്രവർത്തകൻ സുകുവിന്റെ  വീട്ടിൽ ഉണ്ടായിരുന്നതായി പഞ്ചായത്തംഗം നിഷ അലിയാർ.

സ്ഥലം എംഎൽഎയെ കിഴക്കമ്പലത്ത് കാലുകുത്താൻ അനുവദിക്കില്ല. സിപിഎം പ്രവർത്തകർ പട്ടിയെ പോലെ പോലെ തല്ലി ചതച്ചു. അവന് മറ്റ് അസുഖങ്ങൾ ഒന്നും ഉണ്ടായിരുന്നില്ല. എന്നിട്ട് ലിവർ സിറോസിസ് ആണെന്ന് പ്രചരിപ്പിക്കുന്നു. ഇതിന് ആശുപത്രി അധികൃതർ കൂട്ടുനിൽക്കുന്നതായി ട്വെന്റി 20 ആരോപിക്കുന്നു. പോസ്റ്റ് മോർട്ടം റിപ്പോർട്ട് അട്ടിമറിക്കാനാണ് ഇപ്പോൾ ശ്രമമെന്നും ദീപുവിന്റെ മരണത്തിൽ വിശദമായ പോസ്റ്റ് മോർട്ടം വേണമെന്നും ട്വെന്റി20 പറയുന്നു.