മിഷേലിന്റെ മരണത്തില്‍ പൊലിസ് പുല്ലുവില പോലും കല്‍പ്പിച്ചില്ല, ഒന്നിനും കഴിയില്ലെങ്കില്‍ പിന്നെ എന്തിനാണ് പൊലീസ് സ്റ്റേഷന്: ചെന്നിത്തല
കൊച്ചിയില്‍ സിഎ വിദ്യാര്‍ത്ഥിനിയുടെ മരണം; പൊലീസുകാരെ പഴിചാര്‍ത്തി ചെന്നിത്തല രംഗത്ത്
കൊച്ചിയില്‍ സിഎ വിദ്യാര്‍ത്ഥിനി മിഷേലിന്റെ മരണത്തില്‍ പുല്ലുവില പോലും പൊലീസ് കല്‍പ്പിച്ചില്ലെന്ന് പ്രതിപക്ഷനേതാവ് രമേശ് ചെന്നിത്തല. പ്രാഥമികാന്വേഷണത്തിലും പൊലീസ് പരാജയപ്പെട്ടെന്ന് ചെന്നിതല പറഞ്ഞു.
പെണ്‍കുട്ടിയെ കാണ്‍മാനില്ലെന്ന പരാതി സ്വീകരിക്കാന്‍ പൊലീസ് തയ്യാറായില്ല. പരാതികള്‍ക്ക് വിലകല്‍പ്പിക്കാന്‍ കഴിയില്ലെങ്കില്‍ പിന്നെ എന്തിനാണ് പൊലീസ് സ്റ്റേഷന് നടത്തിക്കൊണ്ട് പോകുന്നതെന്നും ചെന്നിത്തല ചോദിച്ചു.
മിഷേലിന്റെ മരണം തികച്ചും ദുരൂഹമാണെന്ന് ബന്ധുക്കളും നാട്ടുകാരും ആവര്‍ത്തിച്ച് പറഞ്ഞിട്ടുണ്ട്. എന്നിട്ടും പോസ്റ്റ് മോര്‍ട്ടം റിപ്പോര്‍ട് കൈപ്പറ്റാന്‍ പോലും പോലീസ് തയാറായിട്ടില്ല. സംഭവം നടന്ന് ഒരാഴ്ചയായിട്ടും ഒരാളെ പോലും അറസ്റ്റ് ചെയ്യാന്‍ പൊലീസിന് കഴിഞ്ഞിട്ടില്ലെന്നും ചെന്നിത്തല വിമര്‍ശിച്ചു.
