Webdunia - Bharat's app for daily news and videos

Install App

നടി ആക്രമിക്കപ്പെട്ട കേസ് സി‌ബി‌ഐ അന്വേഷിക്കണം: ദിലീപ് വീണ്ടും ഹൈക്കോടതിയില്‍

Webdunia
ബുധന്‍, 27 മാര്‍ച്ച് 2019 (20:06 IST)
നടി ആക്രമിക്കപ്പെട്ട കേസ് സിബിഐ അന്വേഷിക്കണമെന്ന് ആവശ്യപ്പെട്ട് നടന്‍ ദിലീപ് വീണ്ടും ഹൈക്കോടതിയില്‍. നേരത്തേ ഉന്നയിച്ച സിബിഐ അന്വേഷണ ആവശ്യം സിംഗിള്‍ ബെഞ്ച് തള്ളിയതോടെയാണ് അതിനെതിരെ അപ്പീലുമായി ദിലീപ് ഇപ്പോള്‍ ഹൈക്കോടതി ഡിവിഷന്‍ ബെഞ്ചിനെ സമീപിച്ചിരിക്കുന്നത്. ഈ ഹര്‍ജിയില്‍ ഉത്തരവ് ഉണ്ടാകുന്നതുവരെ വിചാരണ നടപടി നിര്‍ത്തി വയ്ക്കണമെന്നും ദിലീപ് ഹൈക്കോടതിയില്‍ ആവശ്യപ്പെട്ടു. 
 
പക്ഷപാതപരമായാണ് പൊലീസ് ഈ കേസ് അന്വേഷിച്ചതെന്നും സംഭവത്തിലെ പ്രതി ഉന്നയിച്ച വ്യാജ ആരോപണത്തിന്‍റെ അടിസ്ഥാനത്തില്‍ നിരപരാധിയായ തന്നെ തെറ്റായി പ്രതിചേര്‍ത്തിരിക്കുകയാണെന്നുമാണ് ദിലീപ് ഹര്‍ജിയില്‍ പറഞ്ഞിരിക്കുന്നത്. 
 
അതുകൊണ്ടുതന്നെ സംസ്ഥാന പൊലീസിന് പുറത്തുള്ള ഏജന്‍സി അന്വേഷിക്കേണ്ടത് ആവശ്യമാണ്. മെമ്മറി കാര്‍ഡില്‍ ഉള്ള വീഡിയോ ദൃശ്യങ്ങളില്‍ കൃത്രിമം നടന്നിട്ടുണ്ടെന്നും ദൃശ്യങ്ങള്‍ പകര്‍ത്തിയ മൊബൈല്‍ ഫോണ്‍ കണ്ടെടുത്തിട്ടില്ലെന്നും ദിലീപ് ഈ ഹര്‍ജിയില്‍ പറയുന്നു.
 
എന്നാല്‍ കേസ് സി ബി ഐക്ക് കൈമാറാന്‍ തക്ക കാരണങ്ങള്‍ ഹര്‍ജിക്കാരന് സ്ഥാപിക്കാന്‍ കഴിയുന്നില്ലെന്നാണ് നേരത്തേ ഹര്‍ജി തള്ളിക്കൊണ്ട് സിംഗിള്‍ ബഞ്ച് വ്യക്തമാക്കിയത്. പൊലീസ് പക്ഷപാതപരമായി കേസ് അന്വേഷിച്ചു എന്ന വാദത്തിന് ബലം നല്‍കുന്ന വസ്തുതകളൊന്നുമില്ലെന്നും കോടതി പറഞ്ഞിരുന്നു. വിചാരണ വൈകിപ്പിക്കാനാണ് ദിലീപ് സി ബി ഐ അന്വേഷണം ആവശ്യപ്പെടുന്നതെന്നാണ് സര്‍ക്കാര്‍ നിലപാട്.
 
ഈ കേസില്‍ ഏപ്രില്‍ ആദ്യം വിചാരണ ആരംഭിക്കാനിരിക്കെയാണ് അപ്പീലുമായി ദിലീപ് ഹൈക്കോടതിയെ സമീപിച്ചിരിക്കുന്നത്.

അനുബന്ധ വാര്‍ത്തകള്‍

വായിക്കുക

യാത്രാക്കാരനെന്ന വ്യാജേന ഫോൾ ചെയ്തു, മന്ത്രിക്ക് മറുപടി കിട്ടിയില്ല, 9 കണ്ടക്ടർമാരെ സ്ഥലം മാറ്റി കെ ബി ഗണേഷ് കുമാർ

ഓസ്ട്രിയയില്‍ സ്‌കൂളില്‍ വെടിവെപ്പ് വിദ്യാര്‍ത്ഥികള്‍ അടക്കം 10 പേര്‍ കൊല്ലപ്പെട്ടു

Elon Musk vs Donald Trump: ട്രംപ്- മസ്ക് പോര് അടുത്ത ഘട്ടത്തിലേക്ക്,ടെസ്‌ലയ്ക്കുള്ള സർക്കാർ സബ്സിഡി നിർത്തലാക്കുമെന്ന് ട്രംപ്, ടെസ്‌ല ഓഹരികൾ 14 ശതമാനം ഇടിഞ്ഞു

Elon Musk vs Donald Trump: തെണ്ടിത്തരം ചെയ്യരുത്, ഞാന്‍ പിന്തുണച്ചില്ലെങ്കില്‍ താന്‍ വിജയിക്കില്ലായിരുന്നു, ട്രംപ് പീഡോഫൈല്‍, എപ്സ്റ്റീന്റെ പാര്‍ട്ടികളില്‍ പങ്കെടുത്തു: ട്രംപിനെതിരെ തുറന്ന യുദ്ധത്തിന് ഇലോൺ മസ്ക്

മുതിര്‍ന്ന കോണ്‍ഗ്രസ് നേതാവ് തെന്നല ബാലകൃഷ്ണ പിള്ള അന്തരിച്ചു

എല്ലാം കാണുക

ഏറ്റവും പുതിയത്

മത്സ്യത്തൊഴിലാളികള്‍ക്ക് പഞ്ഞമാസസഹായധനം അനുവദിച്ചു: മന്ത്രി സജി ചെറിയാന്‍; 4500രൂപ വീതം നല്‍കും

ഞങ്ങൾക്ക് കയ്യിലുള്ള ദൃശ്യങ്ങൾ എപ്പോഴെ ഇടാമായിരുന്നു, കേസുമായി നീങ്ങിയപ്പോൾ മാത്രമാണ് അതെല്ലാം പരസ്യമാക്കിയത്: സിന്ധു കൃഷ്ണകുമാർ

യാത്രാക്കാരനെന്ന വ്യാജേന ഫോൾ ചെയ്തു, മന്ത്രിക്ക് മറുപടി കിട്ടിയില്ല, 9 കണ്ടക്ടർമാരെ സ്ഥലം മാറ്റി കെ ബി ഗണേഷ് കുമാർ

ഓസ്ട്രിയയില്‍ സ്‌കൂളില്‍ വെടിവെപ്പ് വിദ്യാര്‍ത്ഥികള്‍ അടക്കം 10 പേര്‍ കൊല്ലപ്പെട്ടു

ചക്രവാതചുഴി, ചുഴലിക്കാറ്റ് സാധ്യത; കേരളത്തില്‍ വരും ദിവസങ്ങളില്‍ മഴ കനക്കും

അടുത്ത ലേഖനം
Show comments