തിരുവനന്തപുരം: ദീപാവലി പ്രമാണിച്ചു തിരക്ക് ഒഴിവാക്കാൻ 58 സ്പെഷൽ ട്രെയിനുകൾ സർവീസ് നടത്തും. തിരുവനന്തപുരം നോർത്ത് (കൊച്ചുവേളി) സ്റ്റേഷനിൽനിന്നു മംഗളൂരു, ബെംഗളൂരു, നിസാമുദ്ദീൻ, ചെന്നൈ, മുംബൈ എന്നിവടങ്ങളിലേക്ക് സ്പെഷ്യൽ ട്രെയിനുകൾ ഓടും. ദക്ഷിണ റയിൽവേ ആണ് ഇക്കാര്യം അറിയിച്ചിരിക്കുന്നത്. തിരുവനന്തപുരം ഡിവിഷനിലെ 10 ജോടി ട്രെയിനുകളിൽ അധിക കോച്ചുകൾ അനുവദിച്ചതായും റെയിൽവേ അറിയിച്ചു.
നോർത്തിൽ നിന്നുള്ള സ്പെഷൽ ട്രെയിനുകൾ:
ചൊവ്വ വൈകിട്ട് 6.05: കൊച്ചുവേളി–ബെംഗളൂരു
ബുധൻ ഉച്ചയ്ക്ക് 2.15: കൊച്ചുവേളി–നിസാമുദ്ദീൻ
ഞായർ ഉച്ചയ്ക്ക് 3.35: കൊച്ചുവേളി–താംബരം എസി (കൊല്ലം, ചെങ്കോട്ട വഴി)
വെള്ളി വൈകിട്ട് 4.20: കൊച്ചുവേളി–ഷാലിമാർ
ശനി വൈകിട്ട് 4.20: കൊച്ചുവേളി–കുർള
വെള്ളി, ഞായർ വൈകിട്ട് 6.40: കൊച്ചുവേളി–മംഗളൂരു (ആലപ്പുഴ വഴി)
