‘മിന്നല്‍ മുരളി’ എന്ന സിനിമയുടെ സെറ്റ് പൊളിച്ചതിന് പിന്നില്‍ സര്‍ക്കാരിന്‍റെ ഒത്തുകളിയുണ്ടെന്ന് ആരോപിച്ച് ബി ജെ പി. സർക്കാരിന്റെ നാലാം വാർഷിക ദിനത്തിൽ മതേതരത്വ മുഖംമൂടിക്കു മാറ്റു കൂട്ടാൻ വേണ്ടിയുള്ള ഒത്തുകളിയാണിതെന്ന് ബിജെപി സംസ്ഥാന ജനറൽ സെക്രട്ടറി ജോർജ് കുര്യൻ ആരോപിച്ചു.
ഈ സംഭവത്തിന് പിന്നില്‍ സര്‍ക്കാരിന്‍റെ അറിവും സമ്മതവുമുണ്ട്. പൊളിച്ചവര്‍ തന്നെയണ് ഫോട്ടോയെടുത്ത് പ്രചരിപ്പിച്ചതും. അതേത്തുടര്‍ന്ന് മുഖ്യമന്ത്രി നേരിട്ട് പ്രതികരിക്കുകയും ഇടപെടുകയും അറസ്റ്റ് നടക്കുകയും ചെയ്യുന്നു. ഇതെല്ലാം നാടകമാണ് - ജോര്‍ജ്ജ് കുര്യന്‍ ആരോപിച്ചു.
സെറ്റ് പൊളിച്ച സംഘടന സര്‍ക്കാരിന്‍റെ ചട്ടുകമാണെന്ന് എല്ലാവര്‍ക്കും അറിയാം. ഈ സംഭവവും സര്‍ക്കാരിന്‍റെ പി ആര്‍ ഏജന്‍സിയുടെ നിര്‍ദ്ദേശപ്രകാരം നടന്നതായിരിക്കാം - ജോര്‍ജ്ജ് കുര്യന്‍ ആരോപിച്ചു.
