Publish Date: Mon, 20 Sep 2021 (13:03 IST)
Updated Date: Mon, 20 Sep 2021 (14:03 IST)
സപ്ലൈകോയുടെ സൂപ്പര് മാര്ക്കറ്റുകള് വഴി ഇന്ഡ്യന് ഓയില് കോര്പ്പറേഷന്റെ അഞ്ചുകിലോ ഗ്യാസ് സിലിണ്ടര് 'ഛോട്ടു' വിതരണം ആരംഭിച്ചു. കൊച്ചി ഡിപ്പോയുടെ കിഴിലുള്ള ഗാന്ധിനഗര് ഹൈപ്പര് മാര്ക്കറ്റ്, പനമ്പിള്ളി നഗര് സൂപ്പര് മാര്ക്കറ്റ് എന്നിവിടങ്ങളില് വില്പന തുടങ്ങിയിട്ടുണ്ട്. ഇന്ഡ്യന് ഓയില് കോര്പ്പറേഷനും സപ്ലൈകോയും തമ്മില് കരാര് ഉണ്ടാക്കിയതിന്റെ അടിസ്ഥാനത്തിലാണ് വിതരണം.
സൂപ്പര് മാര്ക്കറ്റുകള്ക്കു സമീപത്തുള്ള എല് പി ജി ഔട്ട്ലെറ്റുകളില് നിന്ന് എത്തിച്ചു തരുന്ന സിലിണ്ടറുകള് അതത് ഡിപ്പോകളില് റെസീപ്പ്റ്റ് ചെയ്ത് ഔട്ട്ലെറ്റുകളിലേക്ക് ബില്ലു ചെയ്തു കൊടുക്കുന്ന രീതിയാണ് അവലംബിച്ചിരിക്കുന്നത്.
