സംസ്ഥാനത്ത് തുടര്‍ച്ചയായ രണ്ടാം ദിവസവും സ്വര്‍ണവിലയില്‍ ഇടിവ് രേഖപ്പെടുത്തി. പവന് 160 രൂപയാണ് കുറഞ്ഞത്. ഇതോടെ ഒരു പവന് 35,680 രൂപയായി കുറഞ്ഞു. അതേസമയം ഗ്രാമിന് 20 രൂപ കുറഞ്ഞ് 4460 രൂപയായി. കഴിഞ്ഞ ദിവസം പവന് 240 രൂപയായിരുന്നു കുറഞ്ഞത്. ഗ്രാമിന് ഇത് 30 രൂപയായിരുന്നു.
വ്യാഴാഴ്ചയായിരുന്നു ഈമാസത്തെ ഏറ്റവും ഉയര്‍ന്ന സ്വര്‍ണ വില രേഖപ്പെടുത്തിയത്. പവന് 200 രൂപ കൂടി 36,080 ആയിരുന്നു. ഏപ്രില്‍ മാസത്തില്‍ സംസ്ഥാനത്ത് 2760 രൂപയാണ് സ്വര്‍ണത്തിന് കൂടിയത്.
