ശിവശങ്കര്‍ വിഷയത്തില്‍ ധാര്‍മ്മിക ഉത്തരവാദിത്തം ഏറ്റെടുത്ത് മുഖ്യമന്ത്രി പിണറായി വിജയന് രാജിവയ്ക്കണമെന്ന് ആവശ്യപ്പെടുകയാണ് ചിലരെന്നും അങ്ങനെയെങ്കില്‍ ധാര്‍മ്മിക ഉത്തരവാദിത്തം പ്രധാനമന്ത്രി നരേന്ദ്രമോദിക്കും ഉണ്ടെന്നും സി പി എം നേതാവ് എം വി ഗോവിന്ദന്‍. ഐ പി എസും ഐ എ എസുമൊക്കെ കേന്ദ്ര കേഡറുകളാണെന്നും ഗോവിന്ദന്‍ ഓര്‍മ്മിപ്പിച്ചു.
പിണറായി വിജയന് ഈ കേസുമായി ഒരു ബന്ധവുമില്ല. അതുകൊണ്ടുതന്നെ സര്‍ക്കാരിന് ഉത്തരവാദിത്തമില്ലെന്നും ഉപ്പുതിന്നവര്‍ വെള്ളം കുടിക്കട്ടെയെന്നും എം വി ഗോവിന്ദന്‍ പറഞ്ഞു.
പിണറായി വിജയന് മുഖ്യമന്ത്രി സ്ഥാനം രാജിവയ്ക്കേണ്ട ആവശ്യമില്ലെന്നും ഗോവിന്ദന്‍ വ്യക്‍തമാക്കി.
