സ്വര്‍ണക്കടത്ത് കേസുമായി ബന്ധപ്പെട്ട് എന്‍ഐഎ സംഘം ഇന്ന് സെക്രട്ടറിയേറ്റില്‍ വീണ്ടുമെത്തുന്നു. കേസുമായി ബന്ധപ്പെട്ട സിസിടിവി ദൃശ്യങ്ങള്‍ പരിശോധിക്കാനാണ് എത്തുന്നത്. കഴിഞ്ഞവര്‍ഷം ജൂണ്‍ ഒന്നുമുതല്‍ ഈ വര്‍ഷം ജൂണ്‍ 10വരെയുള്ള ദൃശ്യങ്ങളാകും പരിശോധിക്കുന്നത്.
ഒരു വര്‍ഷത്തെ സിസിടിവി ദൃശ്യങ്ങള്‍ നേരത്തേ എന്‍ഐഎ സംഘം ആവശ്യപ്പെട്ടിരുന്നു. എന്നാല്‍ സാങ്കേതിക പ്രശ്‌നങ്ങള്‍ പൊതുഭരണ വകുപ്പ് ഉന്നയിക്കുകയായിരുന്നു. അതിനാലാണ് ഇപ്പോള്‍ എന്‍ഐഎ സംഘം നേരിട്ടെത്തി സിസിടിവി ദൃശ്യങ്ങള്‍ പരിശോധിക്കുന്നത്.
