തൃശൂർ : പ്രസിദ്ധമായ ഗുരുവായൂർ ശ്രീകൃഷ്ണസ്വാമി ക്ഷേത്രത്തിലെ മേയ് മാസ ഭണ്ഡാരം വരവ് 7.252 കോടി രൂപ. ഇതിനൊപ്പം 2. 672 കിലോഗ്രാം സ്വർണ്ണം, 14.24 കിലോഗ്രാം വെള്ളിയും ലഭിച്ചതായി ദേവസ്വം അധികാരികൾ അറിയിച്ചു.
ഇതു കൂടാതെ സർക്കാർ നിരോധിച്ച 2000 രൂപയുടെ 29 നോട്ടുകളും 1000 ൻ്റെ 19 നോട്ടുകളും 500 ൻ്റെ 48 നോട്ടുകളും ഭണ്ഡാരത്തിൽ നിന്നു ലഭിച്ചു. ഭണ്ഡാരം എണ്ണിത്തിട്ടപ്പെടുത്താനുള്ള ചുമതല സ്റ്റേറ്റ് ബാങ്ക് ഓഫ് ഇന്ത്യ ഗുരുവായൂർ ശാഖയ്ക്കാണുള്ളത്. സ്ഥിരം ഭണ്ഡാരങ്ങളിൽ നിന്നുള്ള വരവു കൂടാതെ ഇ-ഭണ്ഡാർ വഴി 125430 രൂപയും വരവായി ലഭിച്ചു.
