ഗുരുവായൂർ : ഭണ്ടാരത്തിൽ അഞ്ചര കോടിയോളം രൂപ

തൃശൂർ: ഗുരുവായൂർ ശ്രീകൃഷ്ണസ്വാമി ക്ഷേത്രത്തിൽ നവംബർ മാസം ഇതുവരെയുള്ള ഭണ്ഡാരം എന്നാൽ പൂർത്തിയാക്കിയപ്പോൾ അഞ്ചരക്കോടി രൂപയോളം ലഭിച്ചതായി അറിയിപ്പ്. ഇതിനൊപ്പം രണ്ടു കിലോയിലധികം സ്വർണ്ണവും 12 കിലോയിലേറെ വെള്ളിയും ലഭിച്ചു.  

ഭണ്ഡാരത്തിൽ നിന്നുള്ള തുക 5,32,54,683 രൂപയാണ് ലഭിച്ചത്. 2 കിലോയിലധികം സ്വ‍ർണവും ലഭിച്ചു. കൃത്യമായി പറഞ്ഞാൽ 2 കിലോ 352 ഗ്രാം 600 മില്ലിഗ്രാം സ്വർണമാണ് ലഭിച്ചത്. 12 കിലോ 680 ഗ്രാം വെള്ളിയും ലഭിച്ചു.

ഇതിനൊപ്പം ഇ ഭണ്ഡാര വരവ് 1 കോടി 76 ലക്ഷം രൂപയാണ്. ക്ഷേത്രം കിഴക്കേ നടയിലെ എസ് ബി ഐയുടെ ഇ ഭണ്ഡാരം വഴി ഒക്ടോബർ 9 മുതൽ നവംബർ 5 വരെയുള്ള തിയതികളിലായാണ് 176727രൂപ ലഭിച്ചത്. സ്ഥിരം ഭണ്ഡാര വരവിന് പുറമെയുള്ള കണക്കുകളാണ് ഇത്. ഡി എൽ ബി ഗുരുവായൂർ ശാഖയ്ക്കായിരുന്നു എണ്ണാനുള്ള ചുമതലയുണ്ടായിരുന്നത്.