പെണ്‍കുട്ടിയെ പീഡിപ്പിച്ച കേസില്‍ മൂന്നു പേര്‍ കൂടി അറസ്റ്റില്‍

കൊല്ലം: പ്രായപൂര്‍ത്തി ആകാത്ത പെണ്‍കുട്ടിയെ ലൈംഗികമായി പീഡിപ്പിച്ച കേസില്‍ ദിവസങ്ങള്‍ക്ക് മുമ്പ്  നാലംഗ സംഘത്തെ അറസ്‌റ് ചെയ്തതിനു തൊട്ടു പിന്നാലെ മൂന്നു പേരെ കൂടി പോലീസ് അറസ്‌റ് ചെയ്തു. വര്‍ക്കല സ്വദേശികളായ മിനിക്കുന്ന കോളനി നിവാസി മുഹമ്മദ് നൗഫല്‍ (21), മേല്‍വെട്ടൂര്‍ സാബിമോള്‍ മന്‍സിലില്‍ മുഹമ്മദ് സജാദ് (19), തെങ്ങുവില വീട്ടില്‍ അഹമ്മദ് ഷാ (21) എന്നിവരാണ് കഴിഞ്ഞ ദിവസം അറസ്‌റ് ചെയ്തത്.

കൊല്ലം ജില്ലയിലെ പൂയപ്പള്ളി പോലീസ് സെഷന്‍ പരിധിയില്‍പെട്ട വെളിയം കുടവട്ടൂര്‍ സ്വദേശിനിയായ പ്ലസ്‌വന്‍ വിദ്യാര്‍ത്ഥിനിയാണ് തുടര്‍ച്ചയായ പീഡനത്തിനിരയായത്. കൊല്ലം നല്ലില പഴങ്ങാലം അംബി പൊയ്ക കോഴിക്കല്‍ പുത്തന്‍ വീട്ടില്‍ റഫീഖ് (22), പള്ളിമണ്‍ ജനനിയില്‍ ജയകൃഷ്ണന്‍ (21), നെടുമ്പന മുട്ടക്കാവ് ദേവീകൃപയില്‍ അഭിജിത് ( 21), പഴങ്ങാലം ഇടനാട് റീന ഭവനില്‍ ഹൃദയ് (19) എന്നിവരാണ് ആദ്യം അറസ്റ്റിയിലായത്.

സമൂഹ മാധ്യമം വഴി രണ്ട് മാസം മുപ് യുവാക്കള്‍ പ്ലസ് വണ്‍ വിദ്യാര്‍ത്ഥിനിയെ പരിചയപ്പെട്ടു. നയത്തില്‍ ഹൃദയുടെ വീട്ടില്‍ എത്തിച്ച് നാല് പേരും ചേര്‍ന്ന് പീഡിപ്പിച്ചു. കഴിഞ്ഞ ഇരുപത്തൊമ്പതിനു കുട്ടി വീട് വിട്ട് പോയപ്പോള്‍ രക്ഷിതാക്കള്‍ പോലീസില്‍ പരാതി നല്‍കി. അപ്പോഴായിരുന്നു യുവാക്കള്‍ കുട്ടിയെ പീഡിപ്പിച്ചത്.

എന്നാല്‍ വീട്ടില്‍ തിരിച്ചെത്തിയ കുട്ടിയെ ചോദ്യം ചെയ്തതോടെ പീഡന വിവരം അറിയുകയും പോലീസില്‍ പരാതി നല്‍കുകയുമായിരുന്നു. കുട്ടിയുടെ മൊഴിയുടെ അടിസ്ഥാനത്തില്‍ പോലീസ് ഇവരെ അറസ്‌റ് ചെയ്യുകയായിരുന്നു. അറസ്റ്റിലായ പ്രതികളെ കോടതി റിമാന്‍ഡ് ചെയ്തു. ഈ കേസില്‍ ഇനിയും അറസ്‌റ് ഉണ്ടായേക്കാം എന്നാണ് സൂചന.