സോഷ്യല്‍ മീഡിയയില്‍ ഫോട്ടോ പങ്കുവെയ്ക്കുന്ന മുസ്ലിം പെണ്‍കുട്ടിക്ക് നല്ല ഭര്‍ത്താവിനെ കിട്ടില്ല; വിചിത്ര പ്രചാരണവുമായി ഉസ്താദ്, ട്രോള്‍ മഴ

എന്തായാലും വീഡിയോ ട്രോളന്‍മാര്‍ ഏറ്റെടുത്തിട്ടുണ്ട്. വര്‍ഷം 2023 ആയിട്ടും നൂറ് വര്‍ഷം പിന്നിലാണല്ലോ ഇയാള്‍ എന്നാണ് മിക്കവരുടെയും കമന്റ്

സോഷ്യല്‍ മീഡിയയില്‍ ട്രോളുകളേറ്റ് വാങ്ങി മുസ്ലിം ഉസ്താദിന്റെ വീഡിയോ. സ്ത്രീവിരുദ്ധവും ഇടുങ്ങിയ ചിന്താഗതിയുമാണ് ഇയാള്‍ വീഡിയോയില്‍ പങ്കുവെയ്ക്കുന്നത്. സോഷ്യല്‍ മീഡിയയില്‍ മുസ്ലിം പെണ്‍കുട്ടി തന്റെ ഫോട്ടോയും വീഡിയോയും പങ്കുവെയ്ക്കുമ്പോള്‍ ആ കുട്ടിക്ക് നല്ല ഭര്‍ത്താവിനെ കിട്ടില്ലെന്നാണ് വീഡിയോയില്‍ ഇയാളുടെ വാദം. 

' ഒരു മുസ്ലിം പെണ്‍കുട്ടി സോഷ്യല്‍ മീഡിയയില്‍ സ്വന്തം ഫോട്ടോ, വീഡിയോ എന്നിവ പോസ്റ്റ് ചെയ്യുമ്പോള്‍ അവള്‍ക്ക് നല്ലൊരു മുസ്ലിം ഭര്‍ത്താവിനെ ലഭിക്കാതാകുന്നത് എന്തുകൊണ്ടാണെന്ന് അറിയാമോ? കാരണം ദീനി ബോധമുള്ള യുവാവിന് സ്വന്തം പെണ്ണിനെ മറ്റുള്ളവര്‍ ആസ്വദിക്കുന്നത് ഇഷ്ടമല്ല. അവള്‍ അവന്റെ സ്വന്തമാണ്. അന്തസുള്ള ആണുങ്ങളെല്ലാം ഇങ്ങനെ ചിന്തിക്കുന്നവരാണ്. എന്നാല്‍ ലിബറലിസം ബാധിച്ച നാട്ടുകാരെ ഭയന്ന് എല്ലാം ഉള്ളില്‍ ഒതുക്കുകയാണ്' എന്നാണ് വീഡിയോയില്‍ പറയുന്നത്. 

എന്തായാലും വീഡിയോ ട്രോളന്‍മാര്‍ ഏറ്റെടുത്തിട്ടുണ്ട്. വര്‍ഷം 2023 ആയിട്ടും നൂറ് വര്‍ഷം പിന്നിലാണല്ലോ ഇയാള്‍ എന്നാണ് മിക്കവരുടെയും കമന്റ്.