ജസ്ന തിരോധാന കേസ് വഴി മുട്ടി നില്‍ക്കെ, അന്വേഷണത്തിന് മേല്‍നോട്ടം വഹിക്കുന്ന തിരുവല്ല ഡിവൈ.എസ്.പി വിരമിക്കുന്നു. ഈ മാസം 31നാണ് ഡിവൈ.എസ്.പി ആര്‍. ചന്ദ്രശേഖരപിള്ള വിരമിക്കുന്നത്. വിരമിക്കാന്‍ പോകുന്ന ഉദ്യോഗസ്ഥനെ ജെസ്നയുടെ കേസ് അന്വേഷണം ഏല്‍പ്പിച്ചത് വിമര്‍ശനത്തിന് ഇടയാക്കിയിരുന്നു.
ജസ്നയിലേക്കെത്താനുള്ള തുമ്പൊന്നും പൊലീസിന് ഇതുവരെ ലഭിച്ചിട്ടില്ല. പക്ഷേ, അന്വേഷണത്തില്‍ പുരോഗതിയുണ്ടെന്നാണു കോടതിയുടെ വിലയിരുത്തല്‍.
അതിനിടെ, ജസ്നയുമായി സാമ്യമുള്ള പെണ്‍കുട്ടിയെ ബംഗളൂരു മെട്രോയില്‍ കണ്ടതായി സൂചനകളുണ്ട്. ശനിയാഴ്ച വൈകീട്ടാണ് ജസ്‌നയെന്ന് തോന്നിക്കുന്ന പെണ്‍കുട്ടി മെട്രോ ഇറങ്ങി വരുന്നത് കണ്ടതായി ഒരാള്‍ പൊലീസില്‍ വിവരം അറിയിച്ചത്.
ജസ്ന ജീവിച്ചിരിക്കുന്നുവെന്നും കേരളത്തിന് പുറത്താണുള്ളതെന്നുമുള്ള നിഗമനത്തിലാണ് പൊലീസ്. കഴിഞ്ഞ മാര്‍ച്ച് 22 നാണ് മുക്കൂട്ടുതറ കുന്നത്ത് വീട്ടില്‍ ജെയിംസ് ജോസഫിന്റെ മകള്‍ ജസ്നയെ (20) രാവിലെ 9.30 മുതല്‍ കാണാതായത്.
