കാണാതായ ദിവസം ജെസ്‌നയെ അടുത്ത ബന്ധു കാറിൽ പിന്തുടർന്നു; നിർണായക വിവരം പുറത്ത്

പത്തനംതിട്ട: ജെസ്‌നയെ കാണാതായ ദിവസം അടുത്ത ബന്ധു ജെസ്‌ന കയറിയ ബസിനെ കാറിൽ പിന്തുടർന്നിരുന്നതായി മറ്റൊരു ബന്ധു നൽകിയ മൊഴി പൊലീസ് മുഖവിലക്കെടുത്തില്ലെന്ന് ആരോപണം. സി ബി ഐ അന്വേഷണം ആവശ്യപ്പെട്ട് ജെസ്‌നയുടെ സഹോദരൻ ഹൈക്കോടതിയെ സമീപിച്ചതിനു പിന്നാലെയാണ് പുതിയ ആരോപണം ഉയർന്നിരിക്കുന്നത്.  

അടുത്ത ബന്ധുക്കൾക്ക് ജെസ്‌നയുടെ തിരോധാനവുമായി ബന്ധമുണ്ടെന്ന് നേരത്തെ മൊഴി ലഭിച്ചിട്ടും പൊലീസ് ഈ തലത്തിലേക്ക് അന്വേഷണം നീക്കിയില്ലെന്ന് ആക്ഷൻ കൌൺസിൽ പറയുന്നു. ജെസ്‌ന അവസാനമായി സന്ദേശം അയച്ച സുഹൃത്തിനെ കേന്ദ്രീകരിച്ച് അന്വേഷണം ശക്തമാക്കിയതായി പൊലീസ് വ്യക്തമാക്കി.