ജിഫ്രി മുത്തുക്കോയ തങ്ങൾക്ക് വധഭീഷണി

സമസ്ത അധ്യക്ഷൻ ജിഫ്രി മുത്തുക്കോയ തങ്ങൾക്ക് വധഭീഷണി. ദുരൂഹ സാഹചര്യത്തിൽ മരിച്ച ചെമ്പരിക്ക ഖാസിയുടെ അനുഭവമുണ്ടാകുമെന്നാണ് ഭീഷണിയിൽ പറയുന്നത്. ഫോണിലൂടെയാണ് വധഭീഷണി മുഴക്കിയത്.

വഖഫ് ബോർഡ് നിയമനം പിഎസ്‌സിക്ക് വിട്ട തീരുമാനം പിൻവലിക്കണമെന്നും തീരുമാനം വൈകരുതെന്നുമുള്ള മുത്തുക്കോയ തങ്ങളുടെ നിലപാടിന് പിന്നാലെയാണ് ഭീഷണി. അതേസമയം ഭീഷണിയെ ഗൗരവമായി കാണുന്നില്ലെന്ന് ജിഫ്രി മുത്തുക്കോയ തങ്ങൾ അറിയിച്ചു. സംഭവത്തിൽ പരാതി നൽകാൻ ഉദ്ദേശിക്കുന്നില്ലെന്നും തങ്ങൾ വ്യക്തമാക്കി.