കണ്ണൂരില്‍ ബിജെപി പ്രവര്‍ത്തകന് വെട്ടേറ്റു. പാനൂര്‍ കൊല്ലം സ്വദേശി ഷൈജുവിനാണ് വെട്ടേറ്റത്. പിന്നില്‍ സിപിഎം ആണെന്നാണ് ബിജെപി ആരോപിക്കുന്നത്. ഇന്ന് ഉച്ചയ്ക്ക് പൊയിലൂര്‍ മുത്തപ്പന്‍ മടപ്പുര ഉത്സവം നടക്കുന്നതിനിടയാണ് സംഭവം. അഞ്ചു ബിജെപി പ്രവര്‍ത്തകര്‍ക്ക് നേരെയാണ് ആക്രമണം ഉണ്ടായത്.
മറ്റു നാലുപേര്‍ക്കും മര്‍ദ്ദനമേറ്റിട്ടുണ്ട്. ഷൈജുവിന് തലയ്ക്കാണ് വെട്ടേറ്റത്. ഇയാള്‍ അപകടനില തരണം ചെയ്തിട്ടുണ്ടെന്നാണ് ലഭിക്കുന്ന വിവരം. സംഘര്‍ഷം വ്യാപിക്കാതിരിക്കാന്‍ പോലീസ് ഇടപെടല്‍ നടത്തുന്നുണ്ട്.
