സിനിമയിലെ സ്‌ത്രീകള്‍ക്കു നേരെയുള്ള അതിക്രമം തടയില്ല; പക്ഷേ ഇക്കാര്യം നിര്‍ബന്ധം - മനുഷ്യാവകാശ കമ്മീഷൻ ഇടപെടുന്നു
സിനിമയിലെ സ്‌ത്രീകള്‍ക്കു നേരെയുള്ള അതിക്രമം തടയില്ല; പക്ഷേ ഇക്കാര്യം നിര്‍ബന്ധം - മനുഷ്യാവകാശ കമ്മീഷൻ ഇടപെടുന്നു
സ്‌ത്രീകള്‍ക്കു നേരെയുള്ള അതിക്രമങ്ങള്‍ വര്‍ദ്ധിച്ചുവരുന്ന സാഹചര്യത്തില്‍ പുതിയ നിര്‍ദേശവുമായി സംസ്ഥാന മനുഷ്യാവകാശ കമ്മീഷൻ രംഗത്ത്.
സിനിമകളില്‍ സ്‌ത്രീകള്‍ക്കു നേരെയുള്ള അതിക്രമങ്ങള്‍ കാണിക്കുമ്പോള്‍ “സ്ത്രീകൾക്ക് നേരെയുള്ള അതിക്രമം ശിക്ഷാർഹമെന്ന്” സ്‌ക്രീനില്‍ എഴുതി കാണിക്കണമെന്ന് കമ്മീഷൻ ഉത്തരവിട്ടു.
നിയമം പ്രാബല്യത്തില്‍ വരുന്നതോടെ അസഭ്യം പറയുക, പീഡനം, ശാരീരിക ഉപദ്രവം, കരണത്തടിക്കൽ, തുടങ്ങിയ രംഗങ്ങൾ പ്രദർശിപ്പിക്കുമ്പോൾ മുന്നറിയിപ്പ് പ്രദര്‍ശിപ്പിക്കേണ്ടിവരും.
സംസ്ഥാനത്തിന്റെ ഉത്തരവിന്റെ അടിസ്ഥാനത്തിലാണ് ഈ നടപടി. ഇക്കാര്യം മുംബയിലെ സെൻട്രൽ ബോർഡ് ഓഫ് ഫിലിം സർട്ടിഫിക്കേഷൻ മുഖാന്തിരം വിഷയം കേന്ദ്രമന്ത്രാലയത്തിന്റെ ശ്രദ്ധയിൽപ്പെടുത്തുമെന്ന് ഫിലിം സർട്ടിഫിക്കേഷൻ ബോർഡ് റീജിയണൽ ഓഫീസർ കമ്മീഷനെ അറിയിച്ചു.
ഇത് സംബന്ധിച്ച വിശദീകരണം സാംസ്കാരിക വകുപ്പുസെക്രട്ടറി അടിയന്തിരമായി സമർപ്പിക്കണമെന്ന് സംസ്ഥാന മനുഷ്യാവകാശ കമ്മീഷൻ ആക്ടിംഗ് അദ്ധ്യക്ഷൻ പി മോഹനദാസ് ആവശ്യപ്പെട്ടു.
