കേരള രാഷ്‌ട്രീയത്തിലെ അതികായന്‍ കെഎം മാണിക്കു വിട. പാലാ സെന്റ് തോമസ് കത്തീഡ്രല്‍ പള്ളിയില്‍ നടന്ന സംസ്‌കാര ശുശ്രൂഷയില്‍ ആയിരങ്ങള്‍ പങ്കെടുത്തു. കര്‍ദിനാള്‍ മാര്‍ ബസേലിയോസ് ക്ലിമിസ്, മാര്‍ ജോസഫ് കല്ലറങ്ങാട്ട് തുടങ്ങിയവര്‍ സംസ്‌കാര ചടങ്ങുകള്‍ക്ക് നേതൃത്വം നല്‍കി.
പ്രത്യേക വാഹനത്തില്‍ വിലാപയാത്രയായാണ് മൃതദേഹം പള്ളിയിലേക്ക് എത്തിച്ചത്. വൈകിട്ട് മൂന്നിനാണ് സംസ്കാരം നിശ്ചയിച്ചിരുന്നെങ്കിലും തങ്ങളുടെ നേതാവിനെ കാണാൻ ആയിരങ്ങൾ ഒഴുകിയെത്തിയതോടെ സമയം നീണ്ടു. 3.10 ഓടെയാണ് മൃതദേഹം പള്ളിയിലേക്ക് എടുത്തത്.