എൽഡിഎഫിന്റെ പരാതി തള്ളി, കെഎം ഷാജിയുടെ പത്രിക സ്വീകരിച്ചു

കണ്ണൂർ അഴിക്കോട് മണ്ഡലത്തിൽ കെഎം ഷാജിയുടെ പത്രിക സ്വീകരിച്ചു. ആറ് വർഷത്തേക്ക് ഷാജിയെ അയോഗ്യനാക്കിയ ഹൈക്കോടതി പരാതി ചൂണ്ടികാട്ടി എൽഡിഎഫ് നൽകിയ പരാതിയാണ് തള്ളികളഞ്ഞത്.

വർഗീയത പറഞ്ഞ് ഷാജി വോട്ട് ചോദിച്ചെന്ന പരാതിയെ തുടർന്നാണ് കെ എം ഷാജിയെ ഹൈക്കോടതി അയോ​ഗ്യനാക്കിയിരുന്നു. എന്നാൽ ഹൈക്കോടതി വിധി സുപ്രീം കോടതി സ്റ്റേ ചെയ്‌തിട്ടുണ്ടെന്ന് ഷാജിയുടെ അഭിഭാഷകൻ വരണാധികാരിയെ അറിയിച്ചു. കെ എം ഷാജിക്ക് വീണ്ടും മത്സരിക്കാൻ നിയമ തടസമില്ലെന്ന് കണ്ടെത്തിയാണ് വരണാധികാരി പത്രിക സ്വീകരിച്ചത്.