Publish Date: Mon, 30 Aug 2021 (20:28 IST)
Updated Date: Mon, 30 Aug 2021 (20:34 IST)
കോണ്ഗ്രസ് ഹൈക്കമാണ്ടിനെ വെല്ലുവിളിക്കുകയും വന്യമായ ആരോപണങ്ങള് ഉന്നയിക്കുകയും ചെയ്ത കെപിസിസി സെക്രട്ടറി പിഎസ് പ്രശാന്തിനെ പാര്ട്ടിയില്നിന്നു പുറത്താക്കിയതായി കെപിസിസി പ്രസിഡന്റ് കെ. സുധാകരന് എംപി അറിയിച്ചു.
ഗുരുതരമായ അച്ചടക്കലംഘനത്തിന് പ്രശാന്തിനെ നേരത്തെ സസ്പെന്ഡ് ചെയ്തിരുന്നു. എന്നാല്, തെറ്റു തിരുത്താന് തയാറാകാതെ വീണ്ടും അടിസ്ഥാനരഹിതമായ ആരോപണങ്ങള് ഉന്നയിക്കുകയാണ്. പാര്ട്ടിയെയും പാര്ട്ടി നേതാക്കളെയും അപകീര്ത്തിപ്പെടുത്താന് ആരെയും അനുവദിക്കില്ലെന്നു സുധാകരന് അറിയിച്ചു.
