Publish Date: Wed, 17 Aug 2022 (11:03 IST)
Updated Date: Wed, 17 Aug 2022 (11:06 IST)
തിരുവനന്തപുരത്ത് കെഎസ്ആര്ടിസി ബസും ബൈക്കും കൂട്ടിയിടിച്ചുണ്ടായ അപകടത്തില് ബൈക്ക് യാത്രികന് പരിക്ക്. ബൈക്കോടിച്ച ഹാപ്പി ലാന്ഡ് സ്വദേശി അനില്കുമാറിനാണ് പരിക്കേറ്റത്. ഇദ്ദേഹത്തെ മെഡിക്കല് കോളേജ് ആശുപത്രിയിലേക്ക് മാറ്റിയിട്ടുണ്ട്. അപകടത്തില് ബൈക്ക് പൂര്ണമായും തകര്ന്നു.
മൂവാറ്റുപുഴയില് നിന്നും തിരുവനന്തപുരത്തേക്ക് പോവുകയായിരുന്ന കെഎസ്ആര്ടിസി സൂപ്പര്ഫാസ്റ്റ് ബസ്സാണ് ബൈക്കില് ഇടിച്ചത്. ബൈക്ക് യാത്രികനെ രക്ഷിക്കാന് ശ്രമിച്ചപ്പോഴാണ് അപകടം ഉണ്ടായതെന്നാണ് ബസ് ഡ്രൈവറുടെ വിശദീകരണം.
