നിയമസഭാ തിരഞ്ഞെടുപ്പിലേക്കുള്ള സീറ്റ് നിഷേധിക്കപ്പെട്ടതിനെ തുടര്‍ന്ന് ലതികാ സുഭാഷ് മഹിളാ കോണ്‍ഗ്രസ് അധ്യക്ഷ സ്ഥാനം രാജിവയ്ക്കുകയും തലമുണ്ഡനം ചെയ്തു. മാധ്യമങ്ങളെ സാക്ഷിയാക്കി പാര്‍ട്ടി ആസ്ഥാനമായ ഇന്ദിരാഭവന് മുന്നില്‍ വച്ചാണ് തല മുണ്ഡനം ചെയ്തത്. ഇനിയൊരു പാര്‍ട്ടിയിലേക്കില്ലെന്നും തിരുത്തല്‍ ശക്തിയായി തുടരുമെന്നും അവര്‍ പറഞ്ഞു.
ഇതിനുമുന്‍പ് കേരളം കാണാത്ത തരത്തിലുള്ള പ്രതിഷേധ പ്രകടനമായിരുന്നു ലതികാ സുഭാഷ് നടത്തിയത്. യുവാക്കളെ പോലെ വനിതകളെയും പരിഗണിക്കണമെന്നും ഏറ്റുമാനൂര്‍ സീറ്റ് താന്‍ പ്രതീക്ഷിച്ചതാണെന്നും അവര്‍ പറഞ്ഞു. അതേസമയം വാര്‍ത്ത ദേശിയമാധ്യങ്ങള്‍ റിപ്പോര്‍ട്ട് ചെയ്തു. തിരഞ്ഞെടുപ്പ് അടുത്ത സമയത്ത് കോണ്‍ഗ്രസിനേറ്റ അടിയാണ് ലതികാ സുഭാഷിന്റെ പ്രതിഷേധം.
