തിരുവനന്തപുരത്തെ യുഡിഎഫ് സ്ഥാനാര്‍ഥി ശശി തരൂരിന് ആകെ 56.06 കോടി മൂല്യമുള്ള സ്വത്തുവകകള്‍. നാമനിര്‍ദേശ പത്രികയിലാണ് തരൂര്‍ തന്റെ സ്വത്തുവിവരങ്ങള്‍ വെളിപ്പെടുത്തിയത്. 19 ബാങ്ക് അക്കൗണ്ടുകളിലും ഓഹരി ബോണ്ടുകളിലുമടക്കം 49.31 കോടി രൂപയുടെ നിക്ഷേപം ശശി തരൂരിനുണ്ട്. 32 ലക്ഷം വിലയുള്ള 535 ഗ്രാം സ്വര്‍ണം, 22.68 ലക്ഷം രൂപ വിലയുള്ള 2 കാറുകള്‍ എന്നിവയും തരൂരിനുണ്ട്.
6.75 കോടി രൂപയുടെ ഭൂസ്വത്തുക്കളാണ് തരൂരിനുള്ളത്. പാലക്കാട് ചിറ്റൂര്‍ ഇലവഞ്ചേരി വില്ലേജില്‍ 1.56 ലക്ഷം വിലയുള്ള കൃഷി ഭൂമിയും തിരുവനന്തപുരം ശാസ്തമംഗലത്ത് 6.2 കോടി വിലയുള്ള 25.86 സെന്റ് കാര്‍ഷികേതര ഭൂമിയും തിരുവനന്തപുരം എംപിക്കുണ്ട്. വഴുതക്കാട്ട് 52.38 ലക്ഷം രൂപ വരുന്ന ഫ്‌ളാറ്റുമുണ്ട്. കട ബാധ്യതകള്‍ ഒന്നും തന്നെയില്ല. കൈവശമായി 36,000 രൂപയും ഉള്ളതായാണ് നാമനിര്‍ദേശപത്രികയില്‍ സമര്‍പ്പിച്ച വിവരങ്ങള്‍
