Webdunia - Bharat's app for daily news and videos

Install App

Select Your Language

Notifications

webdunia
webdunia
webdunia
webdunia

എടി‌എമിൽ പണം കുടുങ്ങി, മെഷീൻ അടിച്ച് പൊട്ടിച്ച് യുവാവ്; ഒടുവിൽ യുവാവ് ജയിലിൽ

webdunia
ബുധന്‍, 28 ഓഗസ്റ്റ് 2019 (12:15 IST)
എടി‌എമ്മിന്റെ മെഷീൻ അടിച്ച് തകർത്ത യുവാവിനെ പൊലീസ് പിടികൂടി. കണ്ണൂർ പിലാത്തറിയിലാണ് സംഭവം. കണ്ണൂര്‍ കക്കാട് കൊറ്റാളിയിലെ ചക്കര പൊയ്യന്‍ വീട്ടില്‍ സി പി ദീപക് രാജി(34) നെയാണ് പരിയാരം സിഐ കെവി ബാബു അറസ്റ്റ് ചെയ്തത്. 
 
ശനിയാഴ്ച്ച രാത്രിയിലാണ് ദേശീയ പാതയോരത്ത് പ്രവര്‍ത്തിക്കുന്ന സൗത്ത് ഇന്ത്യന്‍ ബാങ്കിന്റെ എടിഎം മെഷീനിന്റെ മോണിറ്റര്‍, ഡയല്‍ പാഡ് എന്നിവ ദീപക് അടിച്ചു തകര്‍ത്തത്. രാത്രി 8.45ന് പണമെടുക്കുന്നതിനായി എടിഎമ്മിലെത്തിയെങ്കിലും പണം പുറത്തു വന്നതില്‍ ഒരു 500 രൂപ എടിഎമ്മില്‍ കുടുങ്ങിയത് എത്ര ശ്രമിച്ചിട്ടും വലിച്ചെടുക്കാന്‍ സാധിക്കാതെ വന്നതോടെ ദേഷ്യം വന്ന ദീപക് പുറത്തു പോയി കല്ലുമായി വന്ന് മോണിറ്ററും ഡയല്‍ പാഡും അടിച്ച് തകർക്കുകയായിരുന്നു. 
 
ഞായറാഴ്ച രാവിലെ എടിഎമ്മില്‍ പണമെടുക്കാനെത്തിയാളാണ്‌ സംഭവം പൊലീസിലറിയിച്ചത്. ഇതോടെ അക്രമിയുടെ ദൃശ്യം പൊലീസ് സിസിടിവി ക്യാമറയിൽ നിന്നും ശേഖരിച്ചു. ദീപകിനായി അന്വേഷണം വ്യാപിപ്പിക്കുകയായിരുന്നു. തിങ്കളാഴ്ച്ച ഉച്ചയോടെതന്നെ പ്രതിയെ കസ്റ്റഡിയിലെടുക്കുകയും ചെയ്തിരുന്നു. പൊലീസ് ചോദ്യം ചെയ്തപ്പോള്‍ പ്രതി കുറ്റം സമ്മതിക്കുകയായിരുന്നു.
 
മോഷണശ്രമം ഉള്‍പ്പെടെ ജാമ്യമില്ലാ വകുപ്പുകള്‍ പ്രകാരം അറസ്റ്റുചെയ്ത ദീപക് രാജിനെ ഇന്ന് കോടതിയില്‍ ഹാജരാക്കും. 

Share this Story:

Follow Webdunia Hindi

അടുത്ത ലേഖനം

'തടിച്ചി എന്ന് വിളിച്ച് ഭർത്താവ് പരിഹസിക്കുന്നു'; വിവാഹമോചനത്തിന് ഹർജി നൽകി യുവതി