പ്രായപൂർത്തിയാകാത്ത പെൺകുട്ടിയെ പീഡിപ്പിച്ചെന്ന് പരാതി; എസ്ഐക്കെതിരെ പോക്സോ കേസ്

തിരുവനന്തപുരം പേരൂര്‍ക്കട പൊലീസാണ് കേസടുത്തത്.

പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിക്കാന്‍ ശ്രമിച്ചതിന് എസ്ഐക്കെതിരെ പോക്സോ കേസ്. ബോംബ് സ്ക്വാഡ് എസ്ഐ സജീവ് കുമാറിനെതിരെയാണ് പരാതി. തിരുവനന്തപുരം പേരൂര്‍ക്കട പൊലീസാണ് കേസടുത്തത്.

കുട്ടിയുടെ അമ്മയുടെ പരാതിയിലാണ് കേസെടുത്തത്. പെൺകുട്ടിയുടെ മുറിയിൽ അതിക്രമിച്ച് കയറി പീഡിപ്പിക്കാൻ ശ്രമിച്ചുവെന്നതാണ് പരാതി. എന്നാൽ എസ്ഐ ഇപ്പോൾ ഒളിവിലാണ്.