കാണാതായ യുവതിയെ പത്തുവര്‍ഷത്തിന് ശേഷം കണ്ടെത്തിയപ്പോള്‍ ഞെട്ടിയത് പാലക്കാട്ടെ നാട്ടുകാര്‍. ആരോരുമറിയാതെ യുവതിയെ 10 വര്‍ഷം അയല്‍‌വീട്ടിലെ യുവാവ് ഒളിവില്‍ പാര്‍പ്പിക്കുകയായിരുന്നു. യുവതി അയല്‍‌വീട്ടിലുണ്ടെന്ന് ഈ പത്തുവര്‍ഷവും വീട്ടുകാര്‍ കണ്ടെത്തിയില്ല.
എന്നുമാത്രമല്ല, യുവതി ഒളിച്ചിരുന്ന വീട്ടിലെ ആളുകള്‍ പോലും യുവതിയുടെ സാന്നിധ്യം വീട്ടില്‍ മനസിലാക്കിയില്ല. ആരോരുമറിയാതെ വീട്ടിലെ ഒരു മുറിയില്‍ യുവതിയെ ഒളിപ്പിക്കുകയായിരുന്നു യുവാവ്.
പാലക്കാട് അയിലൂര്‍ കാരക്കാട്ട് പറമ്പിലാണ് നാടിനെ ഞെട്ടിച്ച സംഭവം. 2010 ഫെബ്രുവരി രണ്ടാം തീയതിയാണ് യുവതിയെ കാണാതെ പോകുന്നത്.
