ബൈക്കിൽ ഇരുന്ന് കുട നിവർത്താൻ ശ്രമിച്ചു; മകനൊപ്പം യാത്ര ചെയ്യവെ അമ്മ ബൈക്കിൽ നിന്ന് വീണുമരിച്ചു

അപകടം നടന്ന ഉടനെ തന്നെ അടുത്തുള്ള സ്വകാര്യ ആശുപത്രിയിലും പിന്നീട് മേവറത്തെ സ്വകാര്യ മെഡിക്കൽ കോളെജ് ആശുപത്രിയിലും പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല.

ബൈക്കിൽ യാത്ര ചെയ്യുന്നതിന് ഇടയിൽ പുറകിലിരുന്ന് കുട നിവർത്താൻ ശ്രമിച്ച വീട്ടമ്മ ബൈക്കിൽ നിന്ന് വീണ് മരിച്ചു. മകനൊപ്പം യാത്ര ചെയ്യവെയായിരുന്നു അപകടം. വാളത്തുംഗൽ പുത്തൻ ചന്ത വടക്കേക്കര വെളിയിൽ വീട്ടിൽ പരേതനായ കമറുദ്ദീന്റെ ഭാര്യ ഷെമി ദത്ത(49) ആണ് മരിച്ചത്.

കൊച്ചുമക്കളെ മയ്യനാട് ആശുപത്രിമുക്കിന് അടുത്തുള്ള സ്വകാര്യ ആശുപത്രിയിൽ ഡോക്ടറെ കാണിക്കുവാൻ കൊണ്ടുപോകുന്നതിനിടയിൽ തിങ്കളാഴ്ച സന്ധ്യയോടെയായിരുന്നു സംഭവം.ചാറ്റൽമഴ പെയ്ത് തുടങ്ങിയപ്പോൾ ഇവർ ബൈക്കിന് പിന്നിലിരുന്ന് കുട നിവർത്താൻ ശ്രമിക്കവെ കുട കാറ്റിൽപ്പെടുകയും ഇവർ ബൈക്കിൽ നിന്നു വീഴുകയുമായിരുന്നു.

അപകടം നടന്ന ഉടനെ തന്നെ അടുത്തുള്ള സ്വകാര്യ ആശുപത്രിയിലും പിന്നീട് മേവറത്തെ സ്വകാര്യ മെഡിക്കൽ കോളെജ് ആശുപത്രിയിലും പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല.