തിരുവനന്തപുരം പള്ളിക്കലില്‍ പള്ളി ജോലിക്കാരനായ യുവാവിനെ കുത്തിക്കൊലപ്പെടുത്തിയ കേസിലെ പ്രതി മുജീബ് പോലീസ് പിടിയിലായി. സംഭവസ്ഥലത്ത് നിന്നും ഏകദേശം ഒരു കിലോമീറ്റര്‍ മാറിയുള്ള ക്രഷര്‍ യൂണിറ്റിന് സമീപത്തെ പൊന്തക്കാട്ടില്‍ ഒളിച്ചിരിക്കുകയായിരുന്നു പ്രതി. പള്ളിക്കല്‍ പൊലീസ് ആണ് പ്രതി പിടിയിലായത്.
സമീപ പ്രദേശമായ കൊല്ലം ജില്ലയിലെ വെളിനല്ലൂര്‍ സ്വദേശി ഷിഹാബുദ്ദീന്‍ എന്ന 45 കാരനെയാണ് കഴിഞ്ഞ ദിവസം മുജീബ് കുത്തി ക്കൊലപ്പെടുത്തിയത്. മുജീബിന്റെ ഭാര്യയുമായുള്ള ഷിഹാബുദ്ദീന്റെ അടുപ്പത്തെച്ചൊല്ലി തര്‍ക്കം നില നിന്നിരുന്നു. അതിന്റെ തുടര്‍ച്ചയായിട്ടാണ് കൊലപാതകമെന്നാണ് പള്ളിക്കല്‍ പൊലീസ് പറയുന്നത്.
കത്തിക്കുത്തില്‍ ഗുരുതരമായി പരുക്കേറ്റ ഇയാളെ പാരിപ്പള്ളി മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
