നിപ രോഗലക്ഷണങ്ങള്‍ കാണിച്ച എട്ട് പേരുടെ പരിശോധനാഫലം നെഗറ്റീവ്. നിപ ബാധിച്ചു മരിച്ച കുട്ടിയുടെ മാതാപിതാക്കളുടെയും ബന്ധുവിന്റെയും അടക്കം സ്രവ സാംപിള്‍ പരിശോധിച്ചു. ഇവരുടെ നിപ പരിശോധനാഫലവും നെഗറ്റീവ് ആണ്. കുട്ടിയുമായി ഏറ്റവും അടുത്ത സമ്പര്‍ക്കം പുലര്‍ത്തിയവരുടെ പരിശോധനാഫലവും നെഗറ്റീവ് ആയതിനാല്‍ വലിയ ആശങ്ക അകലുന്നതായി ആരോഗ്യമന്ത്രി വീണ ജോര്‍ജ് വ്യക്തമാക്കി. ആരോഗ്യപ്രവര്‍ത്തകരുടെ സാംപിളുകളും നെഗറ്റീവ് ആണ്.
