Nipah Virus: നിപ സമ്പര്ക്കപ്പട്ടികയില് നാല് ജില്ലകളിലായി 498 പേര്
മലപ്പുറത്ത് 11 പേരാണ് ചികിത്സയിലുള്ളത്
Publish Date: Wed, 09 Jul 2025 (20:00 IST)
Updated Date: Wed, 09 Jul 2025 (20:02 IST)
Nipah Virus: സംസ്ഥാനത്ത് നിപ സമ്പര്ക്കപ്പട്ടികയില് ആകെ 498 പേര് ഉള്ളതായി ആരോഗ്യ വകുപ്പ് മന്ത്രി വീണാ ജോര്ജ്. മലപ്പുറം ജില്ലയില് 203 പേരും കോഴിക്കോട് 116 പേരും പാലക്കാട് 177 പേരും എറണാകുളത്ത് രണ്ട് പേരുമാണ് സമ്പര്ക്കപ്പട്ടികയിലുള്ളത്.
മലപ്പുറത്ത് 11 പേരാണ് ചികിത്സയിലുള്ളത്. രണ്ട് പേര് ഐസിയു ചികിത്സയിലുണ്ട്. മലപ്പുറം ജില്ലയില് ഇതുവരെ 46 സാമ്പിളുകള് നെഗറ്റീവ് ആയിട്ടുണ്ട്. പാലക്കാട് മൂന്ന് പേര് ഐസൊലേഷനില് ചികിത്സയിലാണ്. പാലക്കാട് ജില്ലയില് അഞ്ച് പേരുടെ ഫലം നെഗറ്റീവായി. രണ്ട് പേരെ ഡിസ്ചാര്ജ് ചെയ്തു. സംസ്ഥാനത്ത് ആകെ 29 പേര് ഹൈയസ്റ്റ് റിസ്കിലും 116 പേര് ഹൈ റിസ്ക് വിഭാഗത്തിലും നിരീക്ഷണത്തിലാണ്. നിപ സ്ഥിരീകരിച്ച രോഗി കോഴിക്കോട് ഐസിയുവില് ചികിത്സയിലാണ്.
മലപ്പുറത്ത് മരണമടഞ്ഞ സമ്പര്ക്ക പട്ടികയിലുള്ള 78 വയസുകാരിയുടെ പരിശോധനാ ഫലം നെഗറ്റീവായി.
സെപ്റ്റംബര് മാസം വരെ നിപ കലണ്ടര് പ്രകാരമുള്ള പ്രതിരോധ പ്രവര്ത്തനങ്ങള് ശക്തമായി തുടരാന് മന്ത്രി നിര്ദേശം നല്കി. പൂനൈ ഐസിഎംആര്-ബാറ്റ്സ് ടീം പാലക്കാട് എത്തി സാമ്പിളുകള് ശേഖരിച്ചു. എന്സിഡിസി ടീമും എത്തി ചര്ച്ച നടത്തി.
