ശബരിമലയില്‍ മണ്ഡലകാല പൂജകള്‍ ഇന്നുമുതല്‍ ആരംഭിക്കും. ഇന്നുവൈകുന്നേരം അഞ്ചുമണിക്ക് ശബരിമല നട തുറക്കും. ക്ഷേത്ര തന്ത്രി കണ്ഠരര് രാജീവരരുടെ സാനിധ്യത്തില്‍ ക്ഷേത്ര മേല്‍ശാന്തി എ.കെ. സുധീര്‍ നമ്പൂതിരിയാണ് നട തുറന്ന് ദീപം തെളിയിക്കുന്നത്.
കൂടാതെ ഇന്നുവൈകുന്നേരം നിയുക്ത ശബരിമല മേല്‍ശാന്തി വികെ ജയരാജ് പോറ്റിയുടെയും മാളികപ്പുറം മേല്‍ശാന്തി എംഎന്‍. രജികുമാറിന്റെയും അഭിഷേക ചടങ്ങുകള്‍ വൈകന്നേരം ഉണ്ടാകും. വൃശ്ചികം ഒന്നായ 16 ന് പുലര്‍ച്ചെ പുതിയ ശാന്തിമാരായ ഇവരായിരിക്കും ഇരു ക്ഷേത്ര നടകളും തുറക്കുക. ഒരു വര്‍ഷത്തെ കര്‍ത്തവ്യം പൂര്‍ത്തിയാക്കിയ നിലവിലെ മേല്‍ശാന്തി സുധീര്‍ നമ്ബൂതിരി 15 ന് രാത്രി തന്നെ ശബരിമലയില്‍ നിന്നും മടങ്ങും.
