Select Your Language

Notifications

webdunia
webdunia
webdunia
webdunia

ട്യൂബ് രൂപത്തിലുള്ള മൈലാഞ്ചി വാങ്ങി പുരട്ടി; ഗർഭിണിയുടെ കൈ പൊള്ളി വീർത്തു

ആലുവ കടുങ്ങല്ലൂർ സ്വദേശിനിയായ യുവതിക്കാണ് കൈയിൽ പൊള്ളലേറ്റത്.

ട്യൂബ് രൂപത്തിലുള്ള മൈലാഞ്ചി വാങ്ങി പുരട്ടി; ഗർഭിണിയുടെ കൈ പൊള്ളി വീർത്തു
, ചൊവ്വ, 16 ഏപ്രില്‍ 2019 (07:50 IST)
കടയിൽ നിന്നും ട്യൂബിൽ ലഭിക്കുന്ന മൈലാഞ്ചി വാങ്ങി കൈയിലണിഞ്ഞ പെൺകുട്ടിയുടെ കൈ പൊള്ളി വിയർത്തു. ആലുവ കടുങ്ങല്ലൂർ സ്വദേശിനിയായ യുവതിക്കാണ് കൈയിൽ പൊള്ളലേറ്റത്. പൊള്ളിവീർത്ത കൈത്തണ്ടയും വിരലുകളും മൂന്നാഴ്ച കഴിഞ്ഞിട്ടും പൂർണ്ണ സുഖം പ്രാപിച്ചിട്ടില്ല.
 
അധ്യാപികയായ 32കാരിക്കാണ് മൈലാഞ്ചി പുരട്ടിയപ്പോൾ പൊള്ളലേറ്റത്. കൈയിൽ തേച്ച് അര മണിക്കൂർ കഴിയുമ്പോഴേയ്ക്കും ഉണങ്ങും. തുടർന്ന് സ്റ്റിക്കർ പോലെ പറിച്ചെടുക്കാം. വരകളും പൂക്കളും അതിനകം ടാറ്റു പോലെ പതിയുമെന്ന് കടക്കാരൻ പറഞ്ഞതായി യുവതി പറയുന്നു. രാത്രിയാണ് യുവതി മൈലാഞ്ചിയിട്ടത്. എന്നാൽ പിറ്റേന്ന് രാവിലെ ചൊറിച്ചിലും പ്രയാസങ്ങളും തുടങ്ങി.
 
താമസിയാതെ കൈ നീരു വച്ച് വിയർത്തു. വളയും മോതിരങ്ങളും അതിൽ കുടുങ്ങി. കളമശേരിയിലെ ത്വക്‌രോഗ വിദഗ്ദയുടെ കീഴിൽ ചികിത്സയിലാണിപ്പോൾ. യുവതി ഗർഭിണിയായതിനാൽ മരുന്നുകൾ കഴിക്കാൻ നിയന്ത്രണമുള്ളതു കൊണ്ടാണ് സുഖം പ്രാപിക്കാൻ താമസം നേരിട്ടത്. ഓയിന്മെൻറ്റ് മാത്രമേ പുരട്ടാനാവൂ. മൈലാഞ്ചിയിലെ കൃത്രിമ രാസപദാർഥങ്ങൾ ചർമ്മം വലിച്ചെടുത്തതാണ് പൊള്ളലിനു കാരണമായതെന്ന് ഡോക്ടർ പറഞ്ഞു. 

Share this Story:

Follow Webdunia malayalam

അടുത്ത ലേഖനം

പ്രത്യേക ക്രിക്കറ്റ് ഓഫറുമായി ജിയോ, ഓഫർ ഇങ്ങനെ !