പോളിങ് 40 ശതമാനം കടന്നു. ബൂത്തുകളില്‍ വലിയ ക്യൂവാണ്. അറുപതിനായിരത്തിലധികം പേരാണ് ഇതുവരെ വോട്ട് രേഖപ്പെടുത്തിയത്. മണര്‍കാട്, പാമ്പാടി പഞ്ചാത്തുകളിലാണ് ഏറ്റവും കൂടുതല്‍ പോളിങുള്ളത്. ഇവിടെ പോളിംഗ് 40 ശതമാനം കടന്നു. അയര്‍ക്കുന്നം, അകലക്കുന്നം പഞ്ചായത്തുകളിലാണ് ഏറ്റവും കുറവ് പോളിങ് രേഖപ്പെടുത്തിയത്. മിക്ക പോളിംഗ് ബൂത്തുകളിലും രാവിലെ മുതല്‍ വോട്ടര്‍മാരുടെ നീണ്ടനിരയാണ് കാണപ്പെടുന്നത്. പോളിങ് യന്ത്രം തകരാറിലായതോടെ ചിലയിടങ്ങളില്‍ വോട്ടിംഗ് തടസപ്പെട്ടു.
എല്‍ഡിഎഫ് സ്ഥാനാര്‍ത്ഥി ജെയ്ക് സി.തോമസ് മണര്‍കാട് ഗവ.എല്‍പി സ്‌കൂളിലെ 72-ാം നമ്പര്‍ ബൂത്തിലെത്തി വോട്ടു രേഖപ്പെടുത്തി. യുഡിഎഫ് സ്ഥാനാര്‍ത്ഥി ചാണ്ടി ഉമ്മന്‍ പുതുപ്പള്ളി ജോര്‍ജിയന്‍ പബ്ലിക് സ്‌കൂളിലെ 126ാം നമ്പര്‍ ബൂത്തില്‍ വോട്ട് ചെയ്തു.
