തെങ്കാശിയില്‍ മലയാളി റെയില്‍വേ ജീവനക്കാരിയെ ലൈംഗികാതിക്രമത്തിന് ഇരയാക്കിയ കേസില്‍ പ്രതി പിടിയില്‍. റെയില്‍വേ പോലീസാണ് അറസ്റ്റുചെയ്തത്. കൊല്ലം പത്തനാപുരം കുന്നിക്കോട് സ്വദേശി അനീഷ് (33) ആണ് പിടിയിലായത്. കേരളത്തിലെ കുന്നിക്കോട് സ്റ്റേഷനില്‍ ബലാത്സംഗ കേസില്‍ പ്രതിയായിട്ടുണ്ട് ഇയാള്‍. ഈ കേസിന്റെ വിചാരണ നടന്നുവരികയാണ്.
പ്രതി പെയിന്റിംഗ് തൊഴിലാളിയാണ്. പെയിന്റിംഗ് തൊഴിലാളികളെ കേന്ദ്രീകരിച്ച് നടത്തിയ അന്വേഷണത്തിലാണ് ഇയാള്‍ പിടിയിലായത്. സംഭവം നടന്നുയടനെ സ്ഥലത്ത് നിന്ന് മുങ്ങിയ അനീഷ് കേരളത്തിലേക്ക് കടക്കാനുള്ള ശ്രമത്തിനിടെ ചെങ്കോട്ട പുളിയറയില്‍ വെച്ചാണ് ഇന്നലെ വൈകിട്ട് പിടിയിലായത്.